2023 йилнинг май-сентябрь ойларида Ўзбекистон Тожикистондан 1 млрд 285 млн кВт соат электр энергиясини импорт қилади.
Тижорат банклари 18 май куни аҳолидан 1 АҚШ долларини 11 405 — 11 450 сўмдан сотиб олмоқда, сотув курси эса 11 480 — 11 520 сўм.
Европа тикланиш ва тараққиёт банки ACWA Power Wind Karatau компаниясига Нукусда 100 МВт қувватга эга шамол электр станциясини қуриш учун 19,3 млн доллар кредит ажратди.
Газ қазиб олишни кескин ошириш вазифасини бажариш учун конлар ва қудуқларни рақамлаштириш талаб этилади, деди «Ўзбекнефтгаз» раҳбари Баҳодиржон Сидиқов. Унинг сўзларига кўра, бу ишларни йил охиригача якунлаш режалаштирилган.
Тўртинчи саноат инқилобининг сунъий интеллект каби технологияларидан фойдаланиш Ўзбекистонда тўқимачилик ва тикувчилик саноатида 100 мингта, қурилиш соҳасида 334 мингта янги иш ўрни яратиш имконини беради. Бу борада Осиё тараққиёт банкининг янги тадқиқотида сўз борган.
Европа Иттифоқи, Франция тараққиёт агентлиги ва Ўзбекистон ҳукумати мамлакатнинг 2030 йилгача яшил иқтисодиётга ўтиши бўйича стратегиясини қўллаб-қувватлаш ва молиялаштириш борасидаги битимни имзолади.
«Ипотека-банк»ни хусусийлаштириш бўйича биринчи битим икки ҳафта ичида якунланиши режалаштирилмоқда, деди OTP Bank директори ўринбосари Ласло Вульф. Унинг сўзларига кўра, OTP 2022 йил декабрь ойида хусусийлаштириш тўғрисидаги битим имзолангандан бери «Ипотека-банк»ни ривожлантириш устида ишламоқда.
ЖСТга аъзо бўлиш давлат корхоналари учун жаҳон бозорига йўл очади, улар рақобатга тайёр бўлиши, айрим тармоқлар ўз ривожланиш моделини қайта кўриб чиқиши керак, деди бош вазир ўринбосари Жамшид Ходжаев. Унинг таъкидлашича, ЖСТга аъзолик «жуда қисқа муддатда ва кейинги тенденция динамик бўлади».
Ўзбекистонда электр энергиясининг қайта тикланувчи манбалардан фойдаланган ҳолда ишлаб чиқарилганини тасдиқловчи «яшил энергия» сертификатлари тизими босқичма-босқич жорий этилади. Сертификатлар эркин муомалада бўлади ва бир шахсдан иккинчи шахсга ўтказилиши мумкин.
Тижорат банклари 17 май куни аҳолидан 1 АҚШ долларини 11 360 — 11 415 сўмдан сотиб олмоқда, сотув курси эса 11 430 — 11 475 сўм.
Аҳоли ва тадбиркорларнинг инфляцион кутилмалари апрель ойида пасайишда давом этди, деб хабар берди Марказий банк. Шу билан бирга, респондентлар орасида нархлар ва иш ҳақининг сунъий оширилишини кутилаётган инфляциянинг асосий омиллари деб ҳисобловчилар улуши кескин ошган.
Марказий банк «Тартибга солиш қумдони» махсус ҳуқуқий режими жорий этилган Korzinka супермаркетлар тармоғи кассаларида банк карталаридан нақд пул ечиш хизмати йўлга қўйилганини маълум қилди. Синов жорий йил 1 ноябрига қадар давом этади.
Марказий Осиё давлатлари ноқулай геосиёсий вазиятга чидамлилик кўрсатмоқда. ЕТТБ прогнозига кўра, минтақа иқтисодиёти 2023 йилда 5,2 фоизга ўсади ва келгуси йилда ҳам ўсишда давом этади.
Хитой тажрибаси асосида камбағалликдан чиқариш дастури (йўл-транспорт ва бошқа инфратузилмани яхшилаш бўйича) Ўзбекистоннинг 14 туманида, жумладан, Тошкентнинг Чилонзор туманида ҳам амалга оширилади. 2024 йилдан бошлаб ушбу дастур бутун республика бўйлаб жорий этилиши мумкин.
Mastercard Ўзбекистонда биринчи расмий ваколатхонасини очади. Шунингдек, компания ЕТТБ билан кичик бизнес эгалари, айниқса, аёллар учун рақамли имкониятларни кенгайтириш бўйича ўзаро англашув меморандумини имзолади.
Тижорат банклари 16 май куни аҳолидан 1 АҚШ долларини 11 360 — 11 410 сўмдан сотиб олмоқда, сотув курси эса 11 420 — 11 475 сўм.
Республикада 1 июлгача барча табиий газни қабул қилиш ва узатиш нуқталарига онлайн электрон ҳисоблагичлар ўрнатилади. 2024 йил 1 октябргача республикада қўшимча 2 та газ ўлчаш станцияси қурилади.
Бағдод тумани мактабгача ва мактаб таълими бўлими ходимлари ўз хонадонларига қуёш панеллари ўрнатишга мажбурлангани айтилганди. Ҳокимлик ва бўлим бундай топшириқ бўлмагани, ҳисобчи ва котибадан «нотўғри маълумот бергани учун» тушунтириш хати олинганини маълум қилди.
Тижорат банклари 15 май куни аҳолидан 1 АҚШ долларини 11 375 — 11 420 сўмдан сотиб олмоқда, сотув курси эса 11 440 — 11 490 сўм.
I чоракда Ўзбекистон аҳолисининг ипотека кредитларига бўлган талаби юқорилигича қолди, дейилади Марказий банк ҳисоботида. Бу даврда жами 3 трлн 260 млрд сўмлик кредитлар берилган. Янги биноларда уй-жой сотиб олиш учун ажратилган маблағлар ҳажми эса камайган, иккиламчи бозорда уч бараварга кўпайган.
Қўшимча имкониятларга эга булиш учун сайтда рўйхатдан ўтинг