Uzum миллий рақамли экотизими йилнинг асосий савдоларидан бирининг биринчи куни натижалари билан бўлишди: 11 ноябрь куни буюртмалар сони 2022 йилга қараганда 15 баробар ошди, ўзбекистонликлар эса экотизим сервисларида жами 130 мингдан ортиқ буюртма беришди. Uzum Market миллий бозорида 24 соат ичида ўзбекистонликлар 18 тоннадан ортиқ кунгабоқар ёғи, 12 тонна кир ювиш кукуни, 10 минг банка консерваланган маккажўхори, шунингдек, 1500 дан ортиқ смартфон сотиб олдилар. Шунингдек, Uzum Market`даги машҳур товарлар қаторига электроника, кийим-кечак ва аксессуарлар, уй-рўзғор буюмлари кирди.
Самарқандлик аёл томонидан буюртма қилинган «Ёш рассомнинг тўплами» катта савдода харид қилинган биринчи товар бўлди. Қиммат буюртма — 78 млн сўмлик тўртта смартфон ва вафли қолипи — Янгийўлга етказиб берилди, каттаси эса — 165 та турли товарлар, жумладан, идишлар, ўйинчоқлар, таъмирлаш буюмлари, кийим-кечак ва маҳсулотлар — бир кун ичида самарқандлик харидорга етиб борган.
«Бу йилда асосий ўзгариш — миллионлаб ўзбекистонликларнинг одатлари. Савдо бошланишидан бир ҳафта олдин бизнинг фойдаланувчиларимиз савдонинг биринчи соатларида буюртма бериш учун саватларига товарларни фаол қўшишни бошладилар. Агар ўтган йили ўзбекистонликлар онлайн харид қилишни эндигина ўзлаштиришни бошлаб, қиммат бўлмаган товарлар ва курьер орқали етказиб беришни афзалроқ кўрган бўлсалар, бу сафар буюртмаларнинг 98 фоизини тарқатиш пунктларига, машҳур товарлар орасида эса — смартфонлар, электроника, маиший техника. Шу билан бирга, фойдаланувчиларимиз томонидан олинган буюртмаларнинг қарийб 45 фоизи Uzum Nasiya`дан муддатли тўловга расмийлаштирилган — жумладан 30 дан ортиқ кир ювиш машинаси ва 300 та смартфонни ўз ичига олган», — деди Uzum Market бош директори Илшат Хаметов.
Uzum Market катта савдосида жами 130 мингга яқин ноёб товар номлари 80% гача чегирмалар билан тақдим этилган. 11.11 савдосида фаол буюртмалар Тошкент, Самарқанд, Фарғона ва Бухоро аҳолиси томонидан берилган. Шу билан бирга, Тошкентда уй-рўзғор буюмлари, идиш-товоқ, кийим-кечак ва аксессуарларга кўпроқ буюртма берилди, вилоятларда эса смартфонлар, маҳсулотлар ва уй кимёвий моддаларига талаб катта бўлди.
Бугунги кунда Uzum Market`да ўз товарларини мамлакат бўйлаб 6500 дан ортиқ тадбиркор ва компаниялар сотмоқда, Uzum Market миллий маркетплейси географияси 72 та аҳоли пунктини қамраб олган. Келгуси йилда 10 мингдан ортиқ аҳолиси бўлган Ўзбекистоннинг барча аҳоли пунктларида миллий маркетплейснинг 1000 дан ортиқ буюртма тарқатиш пунктлари фаолият юритади.
Реклама ҳуқуқлари асосида.
