АҚШ Россиянинг Ураль кон-металлургия компаниясига (УКМК) қарши тақиқловчи санкциялар киритди. Бу ҳақда АҚШ молия вазирлиги сайтида хабар берилди.
Хорижий активларни назорат қилиш бошқармаси (OFAC) 18 октябргача УКМК ва унинг шуъба корхоналари билан операцияларни тўхтатиш бўйича лицензия берди.
«Қора рўйхат»га (SDN-list) Урал КМК гуруҳига кирувчи «Уралэлектромедь» и «УГМК-ОЦМ» компаниялари ҳам киради.
УКМК — Россиянинг тоғ-металлургия холдинги, мамлакатдаги мис, рух, кўмир ва қимматбаҳо металларнинг энг йирик ишлаб чиқарувчилардан бири. 2022 йил март ойида УКМК компания асосчиси Искандар Маҳмудов (7,3 миллиард доллар бойлиги билан россиялик миллиардерлар рўйхатида 21-ўринни эгаллаган) ва Андрей Бокарев (47-ўрин, 2,7 миллиард доллар) УГМК, «Кузбассразрезуголь» кўмир компанияси, «Восточний порт» ва «Ростерминалуголь» акциядорлик жамиятларинг назорат қилувчи бенефициарлари бўлишни тўхтатганини эълон қилди. Шунингдек, улар ушбу компанияларнинг директорлар кенгаши сафидан чиққани ҳам қайд этилган. Бир ой ўтгач, Маҳмудов ва Бокарев Буюк Британиянинг санкциялар рўйхатига киритилган.
Июнь ойи бошида Forbes УКМКнинг 2022 йил учун молиявий ҳисоботига таяниб, Ўзбекистон собиқ ташқи ишлар вазири, ҳозирда Президент ҳузуридаги Хавфсизлик кенгаши котиби ўринбосари Абдулазиз Комиловнинг ўғли Дониёр Комилов компаниянинг янги бенефициар эгасига айлангани ҳақида хабар берганди.
АҚШ Россия Ҳисоб палатасининг собиқ раҳбари ва ҳозирда Yandex компаниясининг корпоратив ривожланиш бўйича маслаҳатчиси Алексей Кудрин, Тинькофф Банк ва мудофаа заводларини ҳам санкциялар рўйхатига киритди.
