«prezident» tegli maqolalar
Prezident Turkiya tashqi va ichki ishlar vazirlari hamda razvedka xizmati rahbarini qabul qildi
Shavkat Mirziyoyev Turkiya TIV, IIV va razvedka xizmati rahbarlaridan iborat delegatsiya bilan uchrashdi. Tomonlar siyosiy muloqotni chuqurlashtirish, tahdid va xatarlarga qarshi kurashish bo‘yicha hamkorlikni kuchaytirish va qo‘shma tadbirlar o‘tkazish masalalarini muhokama qildi.
Kambag‘allikni qisqartirish masalalari bilan shug‘ullanuvchi komissiya tuziladi
O‘zbekistonda bosh vazir o‘rinbosari boshchiligida kambag‘allikni qisqartirish masalalari bilan shug‘ullanuvchi komissiya tuziladi. U tumanlardagi rahbarlar faoliyatiga baho beradi va har oy prezidentga axborot kiritadi. Komissiyaning viloyat va tuman bo‘limlariga hokimlar boshchilik qiladi.
OTMlarga kirishda “budjet” ballining 80 foizini to‘plagan kambag‘al oila farzandlariga qo‘shimcha grant ajratiladi
Endi kambag‘al oilalarda kamida 1 nafar oliy ma’lumotli kishi bo‘lishi uchun sharoit yaratiladi. Buning uchun, xususan, OTMlarga kirishda grant ballining 80 foizini to‘plagan kambag‘al oila farzandlariga qo‘shimcha grant ajratiladi. O‘zlashtirish ko‘rsatkichi 80 foizdan balandlar esa foizsiz ta’lim krediti oladi.
Kambag‘allikni faqat pul tarqatish bilan hal qilib bo‘lmaydi — prezident
Kambag‘al oilalarning ishga layoqatli a’zolarida bilim va ko‘nikma kam, bola parvarishi tufayli esa ayollarning 43 foizi ishga bora olmaydi. Prezident kambag‘allikni faqat pul tarqatish bilan hal qilib bo‘lmasligini aytdi va muammo sababi har xil ekan, yechimlari ham alohida bo‘lishi kerakligini ta’kidladi.
Prezident Yangi O‘zbekiston ko‘chasidagi qurilish ishlarini borib ko‘rdi
Prezident Yangi O‘zbekiston ko‘chasidagi qurilish loyihalarini borib ko‘rdi. Ko‘chada milliy ruhdagi zamonaviy uylar, mehmonxona, savdo va xizmat ko‘rsatish majmualari quriladi. Favvoralar, yo‘lakchalar, sayilgoh bo‘ladi. Davlat rahbari ko‘chada ekologiya, sifat va madaniyat uyg‘unlashishi kerakligini ta’kidladi.
Maktablarning bo‘sh yerlarida DXSH asosida bog‘cha qurishga ruxsat berish rejalashtirilmoqda
Prezidentga olib kirilgan taqdimotga ko‘ra, maktabgacha ta’lim qamrovini kengaytirish uchun maktablarning bo‘sh yerlarida DXSH asosida bog‘cha qurishga ruxsat berish, “Bolaning rivojlanish xaritasi"ni yuritish, shuningdek, olimpiada g‘oliblari mukofotlarini daromad solig‘idan ozod etish rejalashtirilmoqda.
Shavkat Mirziyoyev “Toshkent-Sharqiy” aeroporti qurilishini yana borib ko‘rdi. U kelasi yil ochilishi mumkin
Prezident qariyb 7 yildan beri qayta qurilayotgan “Toshkent-Sharqiy” aeroporti qurilishi bilan tanishdi. U terminallarning tashqi ko‘rinishi va intereri, infratuzilmasi bo‘yicha ko‘rsatmalar berdi. Manbalarga ko‘ra, aeroport kelgusi yilda ochilishi mumkin. Foto.
Prezident Paralimpiya chempionlari Asila Mirzayorova va Qudratilloxon Ma’rufxo‘jayevga qo‘ng‘iroq qildi
Shavkat Mirziyoyev Paralimpiya o‘yinlari g‘oliblari Asila Mirzayorova va Qudratilloxon Ma’rufxo‘jayev bilan telefon orqali gaplashib, ularni tabrikladi. Prezident Ma’rufxo‘jayevga “yarim tunda olib kelgan oltin medali uchun” rahmat aytdi (video).
Prezident Jamoat xavfsizligi universitetida bo‘ldi
Shavkat Mirziyoyev Toshkentdagi Jamoat xavfsizligi universitetini borib ko‘rdi. Bu yerda bir nechta o‘quv muassasalarini birlashtirgan harbiy ta’lim tizimi yaratilgan. Prezident ofitserlar bilan suhbatlashib, o‘quv dasturini bugungi xavf-xatarlarga moslashtirib borish bo‘yicha ko‘rsatmalar berdi.
Shavkat Mirziyoyev Samarqandda Imom Buxoriy majmuasini borib ko‘rdi
Prezident Samarqandga tashrif buyurib, yangidan qurilayotgan Imom Buxoriy majmuasini ko‘zdan kechirdi. U mutasaddilarga tabarruk ziyoratgohlarni tiklash, ularning tarixi va mazmunini to‘g‘ri talqin qilib yetkazish bo‘yicha ko‘rsatmalar berdi.
Kambag‘allik darajasini 3 yil ichida 7 foizga tushirish ko‘zda tutilmoqda. Chora-tadbirlar rejasi
Kambag‘allikni qisqartirish va ijtimoiy himoya tizimi qayta ko‘rib chiqiladi. Har yili 50 ta mahalla tanlab olinib, kambag‘allik va ishsizlikdan xoli hududga aylantiriladi. Shuningdek, bu hokim yordamchilarining asosiy vazifasiga aylanadi. Ehtiyojmandlarni ishga olgan tadbirkorlarga soliq imtiyozlari beriladi.
Shavkat Mirziyoyev Ostonaga yetib bordi. Uni Qozog‘iston prezidenti kutib oldi
Shavkat Mirziyoyev davlat tashrifi bilan Qozog‘iston poytaxti Ostonaga yetib bordi. Uni aeroportda prezident Qosim-Jomart Toqayev kutib oldi. Rahbarlar 8-avgust kuni Oliy davlatlararo kengash majlisini o‘tkazadi.
O‘zbekiston poyezdlari parkini yangilashga 231 mln dollar sarflamoqchi
Prezidentga temiryo‘l sohasidagi rejalar taqdimot qilindi. Jumladan, yo‘lovchi vagonlar ishlab chiqarishga 50 mln dollar, lokomativlar olib kelish va elektrovozlarni modernizatsiya qilishga 181 mln dollar ajratish rejalashtirilmoqda. Sohada xizmatlar sifati va eksportini oshirish ko‘zda tutilgan.
Endi ichki yo‘llarni saqlash hududiy obodonlashtirish boshqarmalari zimmasida bo‘ladi
Prezidentga olib kirilgan taqdimotga ko‘ra, ichki yo‘llar va ko‘priklar hokimiyatlar balansida ekani sababli ularning ko‘pi “ta’mirtalab holatda”. Shu bois endi hududiy obodonlashtirish boshqarmalarida ichki yo‘llarni saqlash xizmatlari tashkil etiladi. Ular eng zarur 4 turdagi maxsus texnika bilan ta’minlanadi.
O‘zbekiston va Qirg‘iziston prezidentlari do‘stlik konsertida ishtirok etdi
Toshkentda tor va keng doirada yig‘ilishlar o‘tkazgan O‘zbekiston va Qirg‘iziston prezidentlari ikki mamlakat san’atkorlarining do‘stlik konsertida ishtirok etdi. Foto, video.
Shavkat Mirziyoyev: “Bizga kuchli va farovon qo‘shni — Qirg‘iziston kerak”
Sadir Japarov bilan bo‘lgan tor va kengaytirilgan doiradagi uchrashuvlarda Shavkat Mirziyoyev O‘zbekistonga kuchli va farovon qo‘shni — Qirg‘iziston kerakligini ta’kidladi. Japarov esa O‘zbekiston bilan ko‘p qirrali hamkorlikni mustahkamlash Qirg‘iziston tashqi siyosatining ustuvor yo‘nalishi ekanini aytdi.
O‘zbekiston turistlarni jalb qilish uchun TTJdan 50 mln dollar kredit oladi
Shavkat Mirziyoyevga turizm infratuzilmasini yaxshilashga doir takliflar taqdimot qilindi. Xorijiy turistlarni jalb qilish uchun turizm tashkilotlarini aylanma mablag‘ bilan ta’minlashga TTJdan 50 mln dollar kredit liniyasi ochiladi. U yillik 17 foiz stavkada, 2 yillik imtiyozli davr bilan 10 yilga ajratiladi.
Toshkentda Amerika texnologiyalar universiteti ochilishi kutilmoqda
Toshkentda Amerika texnologiyalar universiteti ochilishi rejalashtirilmoqda. U faoliyatini 2024/25 o‘quv yilidan boshlaydi va muhandislik, arxitektura, IT, sog‘liqni saqlash, iqtisodiyot kabi yo‘nalishlarda kadrlar tayyorlaydi. Bitiruvchilarga AQSh universitetlarining diplomi beriladi.
Nogironligi bo‘lgan shaxslarning xavfsiz harakatlanishi uchun qanday choralar ko‘zda tutilmoqda?
Prezident ijtimoiy himoya sohasiga oid chora-tadbirlar taqdimoti bilan tanishdi. Takliflar orasida nogironligi bo‘lgan shaxslarning xavfsiz harakatlanishi uchun sharoitlarni kengaytirish, jumladan, binolarni ekspertizadan o‘tkazish, chorrahalarni moslashtirib borish, elektron interaktiv xarita yaratish mavjud.
Energiyaga noqonuniy ulanishlarning oldini olish bilan emas, ularning oqibatiga qarshi kurashyapmiz — prezident
Prezident energiya samaradorligini oshirishga doir yig‘ilishda enegriya iste’molida o‘g‘irliklar ko‘payganini ta’kidladi. U buni noqonuniy ulanishlarning oldini olish bilan emas, oqibatiga qarshi kurashilayotgani bilan izohladi. Energiya sarfini qat’iy nazorat qilish, mas’ullar javobgarligini oshirish zarur, dedi u.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Futzal JCH: O‘zbekiston durang bilan boshladi va birinchi kunning boshqa natijalari
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
- Foto, video: Vodorod sulfid sizib chiqqan M-25 konidagi quduqda so‘ndirish jarayoni yakunlandi
Qo‘shimcha imkoniyatlarga ega bulish uchun saytda ro‘yxatdan o‘ting