“O‘znergoinspeksiya” Qoraqalpog‘istondagi “Taxiatosh neft bazasi”da dizel yonilg‘isida 8,2 mlrd so‘mlik kamomadni aniqlandi.
2022 yilda «O‘zkimyosanoat» va tarmoqdagi korxonalarda korrupsion harakatlar, mablag‘larning talon-toroj qilinishi va qo‘shib yozishlar hisobiga 28,3 mlrd so‘mlik zarar yetkazildi. 57 ta holatda manfaatlar to‘qnashuvi aniqlandi. Tizimdagi 28 kishi jinoiy javobgarlikka tortildi, 25 nafari esa ishdan olindi.
Antikorrupsiya agentligi Shofirkon tumani tibbiyot birlashmasi faoliyatida 1,2 mlrd so‘mdan ko‘proq moliyaviy xato va kamchiliklarni aniqladi. Birlashmada aslida ishlamagan xodimlar uchun oylik ish haqlari to‘langani, tibbiyot texnikalari qimmat narxda sotib olingani, pullik tibbiy xizmatdan tushgan mablag‘lar maqsadsiz sarflangani aytilmoqda. Holat yuzasidan jinoyat ishi qo‘zg‘atildi.
Andijon shahar xalq ta’limi bo‘limi rahbarlari 57 mlrd so‘m miqdoridagi moliyaviy qonunbuzarliklar, kamomad va o‘zlashtirishda gumon qilinmoqda. Hozirda prokuratura mazkur ishni o‘rganmoqda.
«O‘zbekneftgaz» jamiyati tizimida 2021 yilda o‘tkazilgan o‘rganishlar natijasida jami 717,9 mlrd so‘mlik qonunbuzilish holatlari aniqlandi. Shundan 91,9 mlrd so‘m kamomad va o‘zlashtirishlar, 57,8 mlrd so‘m jamiyatga zarar, 219,9 mlrd so‘m boshqa xato va kamchiliklarni tashkil qildi.
Andijon neft bazasida 24,3 mlrd so‘m, Jizzax neft bazasida esa 35 mlrd so‘mdan ortiq debitor qarzdorlik, qolaversa, ishdan bo‘shatilgan shaxslarga oylik to‘lash, mukofot pullari va kompensatsiyalar noo‘rin hisoblangani aniqlangan edi. Jamiyatlar rahbarlari ishdan olinib, jinoyat ishi ochilgandi. Bosh prokuratura hujjatlar sudga yuborilganini ma’lum qildi.
Moliya vazirligining Davlat moliyaviy nazorati departamenti I chorakda 211,2 mlrd so‘m miqdorida byudjet kamomadi va asossiz xarajatlarni aniqladi. Qonunbuzilish holatlari XTVda 4,6 barobarga, SSVda 2,9 barobarga, MTVda 7,6 barobarga oshgan.
Moliya vazirligiga ko‘ra, 2020 yilda 246 mlrd so‘mlik byudjet kamomadi va asossiz xarajatlar aniqlangan va bu miqdorning 168,8 mlrd so‘mi byudjetga qaytarilgan.
Qo‘shimcha imkoniyatlarga ega bulish uchun saytda ro‘yxatdan o‘ting