4-oktabr kuni Toshkent viloyatining Yangiyo‘l tumanida taksi haydovchisi bo‘lib ishlagan 25 yoshli yigitni o‘ldirib, uning mashinasini yoqib yuborishda gumonlangan shaxs ushlandi. Bu haqda Bosh prokuratura matbuot kotibi “Gazeta.uz”ga ma’lum qildi.
U jinoyat ishi doirasida Jinoyat kodeksining 97- (Qasddan odam o‘ldirish) va 267-moddalari (Transport vositasini olib qochish) bilan gumonlanuvchi tariqasida jalb qilindi.
Aniqlanishicha, holatga o‘rtadagi pul qarzi sabab bo‘lgan. Tergov davom etmoqda.
Eslatib o‘tamiz, marhumning jasadi yonayotgan mashinadan 300 metr uzoqlikdan topilgan.
