Қашқадарё вилоятида Spark ва «ГАЗ-53» иштирокида йўл-транспорт ҳодисаси содир бўлди. Бу ҳақда вилоят ИИБ хабар қилди.

2022 йил 19 декабрь куни тахминан соат 07:15 ларда халқаро аҳамиятдаги А-380 «Ғузор-Бухоро-Нукус-Бейнеу» автомобиль йўлининг 73-км да Косон туман «Пудина» ҚФЙ ҳудудида Миришкор тумани «Зафаробод» МФЙда яшаган ҳайдовчи Б.Н. бошқарувида бўлган Spark`ни «Қарши-Косон» йўналиши бўйича бошқариб бориб, бир йўналишда олдинда ҳаракатланиб бораётган Косон тумани Мудин қишлоғида яшовчи М.Д. бошқарувидаги «ГАЗ-53» автомобили билан ЙТҲ содир этган.

Оқибатда Spark ҳайдовчиси Б.Н. олган оғир тан жарҳати боис воқеа жойида, йўловчиси Н.С. эса шифохонада вафот этган.

Ҳолат юзасидан Жиноят кодексининг 266-моддаси 3-қисми «а» банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.