Тошкентдаги «Арзон Дорихона»га берилган лицензия бекор қилинди. Текширувда унга тегишли дорихонада 25 турдаги дори воситаси, тиббий буюмлар ва тиббий техника давлат рўйхатидан ўтмагани ва сертификати мавжуд эмаслиги аниқланган.
Маъмурий жавобгарлик тўғрисидаги кодекс ва Лицензиялаш бўйича қонунчиликка ўзгартириш киритилди. Энди санитария ва гигиена қоидаларини бузган фуқаролар 3,3 млн сўмгача, мансабдор шахслар 6,6 млн сўмгача жарима тўлайди. Шунингдек, лицензия шартларини мунтазам бузганлар ундан 1 йилга маҳрум бўлади.
Марказий банк Brio Group МЧЖнинг (Oson бренди) тўлов ташкилоти фаолиятини амалга ошириш учун лицензиясини тиклади. Компания лицензиясининг амал қилиш муддати 17 октябрда тўхтатиб қўйилганди. Ундан аввал эса Oson`га қонун талабларини бузгани учун жарима санкцияси қўлланган.
Ўзбекистон ҳудудида крипто-депозитарий фаолиятини амалга ошириш учун биринчи лицензия берилди. Лицензия олган корхонанинг таъсисчиси Дубай компанияси ҳисобланади.
Суд Соғлиқни сақлаш вазирлиги талабига биноан Фарҳод Маннопов операция қилинган ва кейинчалик вафот этган Star Med Center хусусий клиникаси лицензиясини бекор қилди.
Ўзбекистон Марказий банки иккита янги банк — Apex Bank ва Hayot Bank`ни рўйхатдан ўтказди ҳамда уларга банк фаолиятини амалга ошириш учун лицензиялар берди.
Хонанда Каниза Аҳмедова «ахлоқсиз» видеолари учун лицензиясидан бир ойга маҳрум қилинди. Унинг айтишича, танқидларга сабаб бўлган видеода қўшиқчи «иштонсиз» бўлмаган, балки одамнинг тери рангидаги шим кийган. У «Ўзбекконцерт»ни танқид қилиб, маданият вазирининг «саройига» ташриф буюришини айтган.
Марказий банкнинг 7 октябрдаги тегишли қарорлари билан «Туркистон» ва Hi-tech bank`дан банк фаолиятини амалга ошириш ҳуқуқини берувчи лицензиялар чақириб олинди. Шунингдек, банкларни тугатиш комиссияси таркиби тайинланди. Омонатчиларининг барча маблағлари 2 ойдан сўнг тўлиқ қайтарилади.
Ҳукумат қарори билан 1 январдан адвокатлик фаолияти махсус электрон тизим орқали лицензияланади. Талабгор юридик мутахассислик бўйича камида 2 йиллик, адвокатлик тузилмасида эса 3 ойлик тажрибага эга бўлиши керак. Малака имтиҳонидан муваффаққиятли ўтганларга чекланмаган муддатга лицензия берилади.
1 июлдан лицензия ёки рухсат этиш хусусиятига эга ҳужжатларнинг айрим талаб ва шартлари бекор қилинмоқда. Жумладан, хорижда туриб масофавий (онлайн) шаклда ишлаш учун Ўзбекистон ҳудудида тасдиқнома олиш шарт бўлмайди.
Жамоатчилик муҳокамасига қўйилган президент қарори лойиҳасига кўра, электромобилда таксичилик фаолияти билан шуғулланганларни 2040 йилгача лицензия тўловлари ва йиғимларидан озод қилиш таклиф этилмоқда. Бундан ташқари, электромобиль ҳайдовчилари муниципал автотураргоҳлардан бепул фойдаланиши мумкин. Автотураргоҳларга электомобилларни тезкор қувватлантирувчи станциялар ўрнатиш таклифи ҳам билдирилмоқда.
Бандлик ва меҳнат муносабатлари вазирлиги БҲМнинг 8500 баравари миқдоридаги — 2,3 млрд сўм захира маблағларини тўлдирмаганлиги сабабли учта хусусий бандлик агентлиги лицензиясини вақтинча тўхтатди.
«Такси"лар фаолиятини лицензиялашда қандай ўзгаришлар бўлиши кутилмоқда? Жисмоний шахслар ҳам эндиликда лицензиясиз қонуний фаолият олиб борса бўладими? Юридик шахслар учун лицензия олишда қандай енгилликлар жорий этилмоқда — ҳуқуқшунос Дилшод Шодиев мақоласида.
Марказий банк Ўзбекистондаги илк рақамли банкни — Anor Bank рўйхатдан ўтказиб, унга банк фаолиятини амалга ошириш учун лицензия берди.
2021 йил 1 январдан бошлаб 70 та лицензия ва 35 та рухсатнома бекор қилиниб, 115 та лицензия ва рухсатномани олиш тартиб-таомиллари соддалаштирилади. Ваколатли органларга лицензия беришда айрим ҳаракатларни амалга ошириш тақиқланди.
1 июлдан бошлаб ноширлик фаолияти учун лицензия, матбаа фаолияти учун рухсатнома талаб этилмайди. Тадбиркор ноширлик ёки матбаа фаолиятини бошлаганидан кейин 10 кун ичида Давлат хизматлари марказлари орқали АОКАга хабарнома юбориши кифоя бўлади.
Қўшимча имкониятларга эга булиш учун сайтда рўйхатдан ўтинг