Ўзбекистонда чет элга кетган фуқароларнинг ҳуқуқ ва манфаатларини ҳимоя қилувчи хусусий бандлик агентлигининг лицензиялари вақтинча тўхтатилди, дея хабар бермоқда Бандлик ва меҳнат муносабатлари вазирлиги.
Маълумотларга кўра, улар қаторидан Mirai recruitment agency, Specialist group ва Jyonan-staff Business агентликлари жой олган.
Ушбу агентликлар Меҳнат вазирлигининг 2022 йил 5 январдаги тегишли қарорида белгиланган БҲМнинг 8500 баравари (2 млрд 295 млн сўм) миқдоридаги маблағларни захира сифатида тўлдирмаган.
Шу сабабли бу хусусий бандлик агентликларининг лицензиялари 10 кун муддатга вақтинча тўхтатилган.
Аввалроқ, Бандлик ва меҳнат муносабатлари вазирлиги тўртта хусусий бандлик агентлиги лицензиясини бекор қилганди.
