Эркак спортчи қизига Осиё ўйинларида қатнашиш учун чет элга чиқишига рухсат бермай, хорижга чиқиш паспортини олишига тўсқинлик қилгач, бу ишга болалар омбудсмани ва бошқа идоралар аралашди. Натижада ота қизига бу жараён учун рухсат берди.
Ўзбекистоннинг Исроилдаги элчихонаси Исроилда яшовчи фуқаролардан шахсий хавфсизликка таҳдид солиши мумкин бўлган ҳолатларнинг олдини олиш учун яшаб турган жойини заруратсиз тарк этмасликни сўради. Аввалроқ ОАВ икки кун ичида Исроилга Эрондан тўғридан-тўғри ҳужум кутилаётгани ҳақида ёзганди.
NeftGazMontaj компанияси ўз тарихидаги муҳим сана — асос солинганига 20 йил тўлганини нишонламоқда. Иккита 10 йиллик давомида ташкилот Ўзбекистон нефть ва газ саноати объектларини қуришда етакчи иштирокчилардан бирига айланди.
Қозоғистонда оиладаги зўравонликни жиноий жавобгарликка тортувчи қонун қабул қилинди. Ҳужжат калтаклаш ва қасддан баданга енгил шикаст етказиш учун жиноий жавобгарликни назарда тутади, баданга ўртача ва оғир шикаст етказиш учун жавобгарликни кучайтиради. Энди қонунни президент имзолаши керак.
Янгиҳаёт туманида Bestune, Cobalt ва Damas автомашиналари тўқнашди. Оқибатда учала ҳайдовчи ҳам олган жароҳати сабабли шифохонага олиб кетилди.
Ўзбекистон ташқи ишлар вазири Бахтиёр Саидов Минскда Беларусь президенти Александр Лукашенко билан учрашди. Беларусь раҳбари товар айирбошлаш ҳажмини ошириш ва қўшма корхоналар ташкил этиш, хусусан, БелАЗ билан келишувларни бажаришга тайёрлигини маълум қилди.
Тошкентдаги Бўрижар каналида уч киши, жумладан, 5 ёшли бола ва унинг онаси чўкиб кетди. Икки қурбоннинг жасади топилган, учинчисини қидириш ишлари давом этмоқда.
Йил давомида Дубайда турли-туман фестиваллар бўлиб ўтади. Амирликнинг Иқтисодиёт ва туризм департаменти баҳор-ёз мавсумида ташкил қидинадиган бешта фестиваль ҳақида маълумот берди.
Таиланднинг Пхукет шаҳрида ўтган Жаҳон кубогида Ўзбекистон терма жамоаси вакиллари: Акбар Жўраев ва Шарофиддин Амриддинов 4 та медални қўлга киритди.
Ҳуқуқ-тартибот идоралари Андижонда тадбиркорга 42 млрд сўмлик йўл қурилиши лойиҳасини олиб беришни ваъда қилган икки шахсни қўлга олди.
15−19 апрель кунлари Тошкент шаҳри ва вилоятларда Халқаро тасвирий ва амалий санъат фестивали бўлиб ўтади. Дастурдан маҳаллий ва хорижий рассомларнинг кўргазмалари, рассомлик ва амалий санъат бўйича маҳорат дарслари, тарихий, миллий ва замонавий либослар намойиши ўрин олган.
15 апрелга қадар VI Тошкент халқаро BYD марафонида иштирок этишни истаганлар ҳали ҳам рўйхатдан ўтишлари мумкин. Асосий тадбир 21 апрель куни бўлиб ўтади.
Ўзбекистондаги Chery бренди автомобилларга газ баллонли ускуналар ўрнатилгандан сўнг ҳам техник хизмат кўрсатиш кафолати узайтирилишини эълон қилди.
2024 йилнинг июнь ойида Жиззах вилоятидаги BYD автомобиль заводини ишга тушириш режалаштирилган. Биринчи босқичда ушбу бренд остида иккита модель ишлаб чиқариш мўлжалланган.
Ўзбекистоннинг Испаниядаги элчиси этиб тайинланган Фаррух Турсунов қирол Филипп VI га ишонч ёрлиқларини топширди.
2024 йилнинг дастлабки 3 ойи давомида «Тез ёрдам» хизматига 3,1 миллионта мурожаат келиб тушган. Уларнинг 812 247 таси сурункали касалликлар, 19 114 таси эса туғруқлар учун чақирилган.
Тошкент туманида оилавий жанжал бўйича чақирув олган ИИБ ходими пичоқланди. У ошхона пичоғи ушлаган шахсдан қуролсизланишни сўраган, аммо 56 ёшли фуқаро унга фаол қаршилик кўрсатиб, чап бел қисмини жароҳатлаган. Ходим ИИВ марказий госпиталига ётқизилди, фуқаро эса беш йилгача қамалиши мумкин.
Болалар омбудсманига келган мурожаат ўрганилганда Жиззах вилояти Зомин туманида мактаб ўқитувчиси вояга етмаган ўқувчининг юзига бир неча бор тарсаки уриб, уни ҳақорат қилгани маълум бўлди. Мактаб директори буйруғига асосан у билан тузилган меҳнат шартномаси бекор қилинди.
Швейцариянинг кекса аҳолиси мамлакат ҳукуматининг иқлим бўйича ҳаракатсизлигига доир инсон ҳуқуқлари бўйича Европа суди ишида ғолиб чиқди. Ҳаддан ташқари иссиқ ҳаво уларнинг соғлиғига зиён етказиб, ўлим хавфини юзага келтирмоқда. Бу — иқлим ўзгариши билан боғлиқ тарихдаги биринчи қарор.
Ўтган март ойи бутун дунё бўйлаб кузатувлар тарихидаги энг иссиқ март бўлди. Метеорологлар кетма-кет ўнинчи ой ойлик ҳарорат рекордини қайд этмоқда.
Қўшимча имкониятларга эга булиш учун сайтда рўйхатдан ўтинг