Ўзбекистон Олий Мажлисининг болалар ҳуқуқлари бўйича вакилига собиқ турмуш ўртоғи қизининг чет элга чиқишини тақиқлаган аёлдан мурожаат келиб тушди, деб хабар қилди болалар омбудсмани матбуот хизмати.
Қайд этилишича, эркак сузиш бўйича миллий терма жамоада иштирок этаётган қизини (2011 йилда туғилган) сузиш бўйича халқаро мусобақаларга тайёргарлик кўриш ва Осиё ўйинларида иштирок этиш учун хорижга чиқишга рухсат бермай, чет эл паспортини олишига тўсқинлик қилган.
Болалар омбудсмани ва бошқа идоралар эркакка қизининг истиқболи ва келажакдаги имкониятлари ҳақида тушунтириш берганидан сўнг у қизига рухсат берди, дейилади хабарда.
