Марказий банк асосий ставканинг 16 фоиздан 15 фоизга пасайтирилиши юзасидан изоҳ берди. Асосий омиллар ташқи ва ички талабнинг қисқариши шароитида иқтисодий фаолликнинг секинлашуви ҳамда инфляция прогнозларининг пасайиши билан боғлиқ.
Марказий банк ҳафтада иккинчи марта валюта курсларини янгилади. Доллар 427 сўмга кўтарилиб, 10121 сўмга етди.
14 апрель кунидан эътиборан «Ўзбекнефтгаз» дизель ёнилғиси литрининг баҳосини 5600 сўм этиб белгилади. Уч ой ичида дизель нархи деярли 2000 сўмга арзонлашди.
Марказий банкнинг асосий ставкаси 1 фоиз бандга пасайтирилиб, йиллик 15 фоиз даражасида белгиланди.
Япония халқаро ҳамкорлик агентлиги (JICA) Ўзбекистонда мева-сабзавотчилик соҳасида қўшилган қиймат занжирини яратиш учун 213 млн доллар ажратди. 6 йилга мўлжалланган лойиҳа доирасида тижорат банклари ушбу соҳадаги тадбиркорларга кредитлар тақдим этади.
Бобур Парпиев Orient Finans Bank раҳбари лавозимини муддатидан олдин тарк этди. У банкнинг кузатув кенгаши аъзоси сифатида фаолиятини давом эттиради.
Fitch Ўзбекистоннинг суверен рейтингини барқарор прогноз билан «BB-» даражасида сақлаб қолди. Агентлик 2020 йилда мамлакат иқтисодиёти ўсиши 2 фоизга тушиши, бироқ 2021 йилда 6,8 фоизга ўсишини тахмин қилмоқда.
Ўзбекистонда коронавирус сабабли нақд пул муомаласини қисқартириш чоралари кўрилмоқда. Жумладан, барча турдаги корхона ва ташкилотларда ойлик иш ҳақи ҳамда пенсияларнинг тўлиқ банк карталари орқали тўланиши белгиланди.
Ўзбекистонга жўнатилган пул ўтказмалари апрелнинг дастлабки 8 иш кунида март ойининг мос даврига нисбатан 3 баробарга қисқарган. Март ойида экспорт тушумлари 10 фоизга камайган. Марказий банк изоҳига кўра, шу ва бошқа сабаблар АҚШ долларининг сўмга нисбатан алмашув курси ошишига олиб келмоқда.
ОПЕК ташкилотига аъзо давлатлар ҳамда аъзо бўлмаган ОПЕК+ гуруҳи давлатлари тарихий битимга кўл қўйди. 1 майдан 30 июнгача нефть қазиб олиш кунига 9,7 млн баррелгача камайтирилади. 2022 йилга қадар бу кўрсаткични 5,8 млн баррелгача қисқартириш режалаштирилмоқда. Бу сафар Мексика ҳам битимга қўшилди.
Президент иқтисодиётнинг бошқа тармоқларидаги йўқотишлар ўрнини қисман тўлдириш ва аҳоли бандлигини таъминлаш учун резервларни аграр соҳага сафарбар қилишга топшириқ берди.
Саудия Арабистони, Россия ва бошқа ОПЕК+ давлатлари 30 июнгача нефть қазиб олишни кунига 10 млн баррелга камайтиришга келишиб олди. 2022 йилга қадар бу кўрсаткични 6 млн баррелгача қисқартириш режалаштирилмоқда. Келишувга қўшилишдан фақат Мексика бош тортди.
Ислом тараққиёт банки Ўзбекистонда коронавирусга қарши курашаётган янги клиникалар учун тиббий жиҳозлар сотиб олишга 17 млн доллар йўналтирди. Соғлиқни сақлаш ва бизнесни қўллаб-қувватлашга қўшимча 140 млн доллар ажратиш масаласи кўриб чиқилади.
COVID-19 коронавирус инфекциясининг тарқалиши давлатлар иқтисодиётига катта зарар етказмоқда. «Газета.uz» бир қатор ривожланган ва қўшни мамлакатларнинг коронавирус пандемиясига қарши қабул қилган иқтисодий рағбатлантириш дастурларининг қисқа таҳлилини тақдим этади.
Марказий банкка ишлаб чиқариш корхоналари фаолияти тўхтаб қолмаслиги учун банклар орқали 30 триллион сўм айланма маблағлар ажратилишини таъминлаш топширилди. Банкларга маблағларни янги иш ўринлари яратиш учун йўналтириш тавсия этилди.
Жаҳон банкининг янгиланган прогнозларига кўра, 2020 йилда Ўзбекистон ялпи ички маҳсулотининг ўсиш даражаси кескин пасайиб, 1,6 фоизни ташкил этади. Меҳнат муҳожирлари юборадиган пул ўтказмалари 50 фоизга қисқариши мумкин.
Кузга қадар Газ-транспорт тизимини 2030 йилгача ривожлантириш дастурининг бош режаси ҳамда Ўзбекистонда электр энергияси ва табиий газнинг биржа савдолари асосидаги улгуржи бозорини яратиш бўйича таклифлар ишлаб чиқилади.
Марказий банк кредит бўйича тўлов муддатлари кечиктирилган даврда ҳам фоизлар ҳисобланишда давом этишини маълум қилди. Молиявий имконияти бўлган қарздорларга ўз кредитларини белгиланган муддатларда сўндириш тавсия этилди.
ЕТТБ коронавирус пандемиясининг Ўзбекистондаги ижтимоий-иқтисодий жараёнларга таъсирини юмшатишга 220 млн доллар ажратади. Вилоятлардаги коммунал корхоналар айланма маблағларини кўпайтириш учун яна 100 млн доллар ажратиш масаласи кўриб чиқилмоқда.
Ўзбекистон ва Россия коронавирус пандемияси таъсирини ҳисобга олган ҳолда янги иқтисодий ҳамкорлик дастурини тайёрлашни режалаштирмоқда.
Қўшимча имкониятларга эга булиш учун сайтда рўйхатдан ўтинг