Тошкентда ўзининг кўплаб граффитилари билан танилган кўча рассоми Inkuzart навбатдаги ишини тақдим этди. У сувни ўйламай сарф этишга бағишланган.
Расмлар бинонинг бурчагидан жой олган, у иккита деворга чизилгани учун икки қисмдан иборат. Биринчи қисмда сув жўмраги кўрсатилган, ундан оқаётган сув тарвузга тушиб туради, бундай одат Ўзбекистонда кенг тарқалган.
Иккинчи расмда эса болакайнинг бу сувни ерга эгилганча ичаётгани тасвирланган. Сув олтин рангда кўрсатилган.
2020 йилда «Газета.uz» «тошкентлик Бэнкси» номини олган рассом (унинг исми Абдураҳмон) билан катта интервьюни эълон қилган. Унинг бошқа лойиҳалари ҳақида қуйидаги ўхшаш хабарларда ўқишингиз мумкин.
Рассом Inkuzart Орол денгизининг қуриган қисмида диаметри 100 м бўлган тинчлик рамзини чизиб, ўша ерга минг тупдан ортиқ саксовул кўчатларини ўтқазган. Бу унинг энг катта масштабли иши саналади.
