Тошкентда кўплаб граффитилари билан танилган рассом Inkuzart ўзининг яна бир асарини тақдим этди. Ушбу асар аввалгиларидан кўлами ва Қорақалпоғистоннинг Мўйноқ шаҳри яқинидаги Орол денгизининг қуриган тубида яратилгани билан фарқ қилади.
Лойиҳа учун грейдерлар ёрдамида диаметри 100 м бўлган қумга тинчлик рамзи (ҳаёт, қайта туғилиш, ҳимоя, ёрдам ва умид белгиси) «чизилган», шундан сўнг унинг қатори ичига жами 1000 дан ортиқ саксовул кўчатлари экилган.
Inkuzart ўзининг «Тинчлик бўлсин» асарига имзо чекиб, унинг жойлашуви координаталарини кўрсатган: 43°47'23»N 59°02'31»E.
Ижодкор «Газета.uz»га берган интервьюсида ўзининг янги лойиҳаси билан нима демоқчи эканини айтиб ўтди: «Орол денгизига тинчлик ва мадад ёр бўлсин. Бу бир пайтлар бизга керак бўлган бўлса, энди Орол денгизига керак».
Рассом бунда ҳеч кимдан моддий ёрдам сўрамаганини, фақат Табиат ресурслари вазирлигидан рухсат олганини айтди. «Мен буни амалга ошириш учун пул йиғиб келаётгандим», — деди у.
Шунингдек, у Мўйноқдаги кема қабристони ёнига лавҳа ўрнатиб, унга саксовул Мўйноқни қутқаради, деган жумлани ёзиб қолдирган. Шеър муаллифи — унинг дўсти.
Эслатиб ўтамиз, 2020 йилда «Газета.uz» «Тошкент Бенкси» деб номланган рассом (унинг исми Абдураҳмон) билан катта интервью эълон қилганди.
