Олий суд одил судловни таъминлаш борасида амалга оширилаётган ишларни аҳоли ва кенг жамоатчиликка етказишда қонун талаблари доирасида ишлаётган журналистлар, блогерлар, судья ва суд ходимлари, ҳуқуқшунослар ва бошқа ижодкорларни рағбатлантириш учун «Адолат — қонун устуворлигида» танловини ўтказиб, ғолибларни тақдирлади.

Танлов АҚШ Халқаро тараққиёт агентлиги (USAID) ҳамда East-West Management Institute ННТ Ўзбекистондаги филиалининг «Суд тизимини мустаҳкамлаш» (JSSA) қўшма лойиҳаси ҳамкорлигида ўтказилди.

Номзодларни танлашда судлар фаолияти юзасидан тўғри ва холисона фикрни шакллантириш, аҳолининг ҳуқуқий маданиятини юксалтириш, оммавий ахборот воситаларида суд-ҳуқуқ соҳасидаги ислоҳотлар кенг ёритилишини таъминлаш масаласи ҳам инобатга олинган.

"Газета.uz"да реклама

Анъанавий тарзда ўтказиб келинаётган танловда 5 та номинация бўйича 15 та ижодкор ва жамоаларнинг ижодий фаолияти мукофотга лойиқ деб топилди. Шунингдек, мустақил журналист ва блогерлар ҳам тақдирланди.

«Телевидение ва радио» номинацияси ғолиблари

  • 1-ўрин — Азиза Мирсодиқова — Ўзбекистон миллий телерадиокомпанияси O‘zbekiston 24 телерадиоканали муҳаррири;
  • 2-ўрин — Дилмурод Ғофуров — Milliy телеканали муҳаррири;
  • 3-ўрин — Сардорбек Исмоилов — Renessans телеканали мухбири.

Рағбатлантирувчи мукофот — Жўрамурод Бобораҳматов — Ўзбекистон миллий телерадиокомпанияси O‘zbekiston телеканали ижтимоий ҳимоя ва ҳуқуқий маданият бўлими мудири.

«Интернет ва босма нашрлар» номинацияси ғолиблари

  • 1-ўрин — «Газета.uz» интернет нашри;
  • 2-ўрин — Норгул Абдураимова — Ўзбекистон Миллий ахборот агентлиги бўлим мудири;
  • 3-ўрин — Абдуҳамид Худойбердиев — «Куч-адолатда» газетаси мухбири.

Рағбатлантирувчи мукофот — Жамшид Ниёзов — Kun.uz интернет-нашри шарҳловчиси; Мусулмонбек Иброҳимов — Daryo.uz интернет-нашри муҳаррири.

«Журналист/блогер» номинацияси ғолиблари

  • 1-ўрин — Саидали Мухторалиев — Yuristkadr Telegram канали маъмури, адвокат;
  • 2-ўрин — «Сукут сақлама / Не молчи» лойиҳаси;
  • 3-ўрин — Абдумалик Абдуллаев — Advokat Abdullayev Telegram канали маъмури, адвокат.

Рағбатлантирувчи мукофот — Исмат Хушев — «Дунё ўзбеклари» интернет-нашри бош муҳаррири.

«Илмий ходим» номинацияси ғолиблари

  • 1-ўрин — Сурайё Раҳмонова — Жамоат хавфсизлиги университети профессори, юридик фанлар доктори;
  • 2-ўрин — Аҳрор Ҳошимхонов — Тошкент давлат юридик университети биринчи проректори, юридик фанлари доктори;
  • 3-ўрин — Жуманазар Холмўминов — Термиз давлат университетининг юридик факультети профессори, юридик фанлари доктор.

«Судья ва суд ходими» номинацияси ғолиблари

  • 1-ўрин — Фотима Исмоилова — жиноят ишлари бўйича Юнусобод тумани суди раиси ўринбосари;
  • 2-ўрин — Шаҳзод Бахтиёров — Қашқадарё вилояти судининг жиноят ишлари бўйича судьяси;
  • 3-ўрин — Гулнафис Худайбердиева — Навоий вилояти судининг фуқаролик ишлари бўйича судьяси.

Рағбатлантирувчи мукофот — Шербек Назаров — Олий суд бўлим бошлиғи.