Жаҳон банки Ўзбекистонга бозор иқтисодиётига ўтишни тезлаштириш мақсадида $400 млн кредит ажратади
Жаҳон банк Ўзбекистон бозор иқтисодиётига ўтишини тезлаштириш мақсадида 400 млн доллар кредит тақдим этади. Бунда Ўзбекистонга 30 йилдан ортиқ муддатга паст фоизли 250 млн долларлик имтиёзли кредит, шунингдек, қайтариш муддати 12 йилдан ортиқ бўлган 150 млн доллар миқдоридаги кредит бозор фоиз ставкасида тақдим этилади.
Тошкент вилояти Экология бошқармаси бошлиғи ишдан бўшатилди
Тошкент вилоятида экология соҳасига оид масалаларни кўриб чиқишда тизимли равишда камчиликларга йўл қўйгани учун вилоят Экология бошқармаси бошлиғи лавозимидан озод этилди. Қолаверса, мурожаатларни кўриб чиқишда сусткашликка йўл қўйгани учун 14 нафар масъулга «хайфсан» берилди.
Осиё тараққиёт банки Ўзбекистонга 162 млн долларлик кредит ажратади
Осиё тараққиёт банкининг 162 млн долларлик лойиҳаси доирасида Бухоро, Мискин, Урганч ва Хива шаҳарларини боғловчи 465 километрлик темир йўл линияси электрлаштирилади. «Бухоро-Хива» линиясининг электрлаштирилиши йиллик йўловчи ташиш ҳажмини 2026 йилга келиб уч ярим баробардан зиёдга оширади. Лойиҳа натижасида йиллик юк ташиш ҳажми 2026 йилда жами 11,8 миллион тоннага етиши кутилмоқда.
Марказий банк янги намунадаги 50 минг сўмликда хато борлигини тан олди
Марказий банк 50 минг сўмлик банкнот намунасининг олд томонида «Ал-Ҳаким ат-Термизий» мақбараси тасвири туширилгани, аммо мақбара номи «Абу Исо ат-Термизий» деб ёзилганлигини тан олди ва бефарқ бўлмаган барчага миннатдорчилик билдирди. МБ ушбу янги кўринишдаги пуллар эмиссия қилинмагани, ҳозирда хатолик бартараф этилаётганини қўшимча қилди.
ОТБ пандемия даврида Korzinka фаолиятини қўллаб-қувватлаш учун $12 млн кредит ажратди
Осиё тараққиёт банки илк бор давлат кафолатисиз Ўзбекистон қишлоқ хўжалиги ва озиқ-овқат саноати корхонаси — Korzinka супермаркетлар тармоғига 12 млн доллар миқдорида кредит ажратди.
Шавкат Мирзиёев ва Мун Чжэ Ин қўшма баёнотни қабул қилди
Сеулда Шавкат Мирзиёев ва унинг рафиқасини расмий кутиб олиш маросими бўлиб ўтди. Музокаралар якунида эса Шавкат Мирзиёев ва Мун Чжэ Ин стратегик шерикликни чуқурлаштиришга оид қўшма баёнотни қабул қилди. Қолаверса, АКТ, «ақлли» қишлоқ хўжалиги соҳаларига оид меморандумлар, Иқтисодий тараққиёт жамғармаси билан ҳамкорликда тиббий ускуналар етказиб бериш тўғрисида битим имзоланди.
Якшанба куни ёмғир ёғиши кутилмоқда
Шанба куни кундузги ҳаво ҳарорати +17 даражагача пасаяди, якшанба куни эса Каспий денгизи ҳудудларидан нам ҳаво массалари кириб келиши натижасида ҳудудларда ёмғир ёғади ва ҳаво бироз совийди.
Хусусий секторга валюта айирбошлаш хизматларини кўрсатишга рухсат берилиши мумкин
Монополияга қарши курашиш қўмитаси норасмий валюта операцияларининг олдини олиш учун хусусий валюта шохобчаларининг ишлашига рухсат бериш таклифини илгари сурди.
АҚШда Светлана Рашидова — Шароф Рашидовнинг қизи вафот этди
АҚШнинг Нью-Йорк шаҳрида Светлана Рашидова — Шароф Рашидовнинг қизи 70 ёшида вафот этди.
5 йилда 14 мингдан ортиқ мансабдор коррупциявий жиноятни содир этган — Русланбек Давлетов
Пойтахтда ўтган конференцияда адлия вазири Русланбек Давлетов сўнгги 5 йилда 14 мингдан ортиқ мансабдор шахс коррупциявий жиноятни содир этганини маълум қилди. Шундан энг кўпи туман миқёсидаги амалдорлар ҳисобланади. Вазир шунингдек, бир идорада ҳам текширувчи, ҳам текширилувчи бўлса, ўзаро манфаатлар тўқнашуви ортидан қонун бузилишини айтиб ўтди.
Қибрайда беш кишини ўлдирган 24 ёшли қотил бир умрга қамалди
Июль ойида Тошкент вилояти Қибрай туманида бир оиланинг тўрт аъзоси (ота, икки қизи ва ўғил) ҳамда уйда ишлаган қурувчини ўлдирган қотилга умрбод қамоқ жазоси тайинланди. У махсус тартибли колонияда жазо ўтайди
«Ўзбекнефтгаз» шохобчаларида «АИ-80» бензини 6500 сўмгача арзонлаштирилди
Жума кунидан «Ўзбекнефтгаз» компаниясига қарашли республикадаги барча ёқилғи қуйиш шохобчаларида «АИ-80» маркали бензин нархи 6500 сўмгача арзонлаштирилди.
Бош прокуратура 1,89 млрд сўмлик жарима Экоқўм ҳисобига ўтказилмаётганига изоҳ берди
Бош прокуратура Тошкентда кесиб ташланган дарахтлар учун тўланган 1,8 млрд сўм миқдоридаги жарима пули Экология қўмитасига ўтказиб берилмаётгани бўйича изоҳ берди. Бунга дастлабки тергов тўхтатиб қўйилгани сабаб қилиб кўрсатди. Айни дамда тергов жараёни қайта тикланган.
«Газета.uz»да чиққан мақолалар:
Омикрон, инфляция, озиқ-овқат нархлари ва Хитой — Bloomberg 2022 йил иқтисодий ўсиш учун энг йирик хатарларни маълум қилди
Bloomberg таҳлилларига кўра, 2022 йилда иқтисодий ўсиш учун энг йирик хавф-хатарлар — омикрон, кескин инфляция, АҚШ Федерал резерв банки асосий ставкаларининг ўсиши, Хитойнинг таназзул ёқасидаги гигант компанияси Evergrande, Тайвань, ривожланаётган бозорлар инқирози, Brexit музокаралари, еврозона инқирози, Яқин Шарқдаги озиқ-овқат нархларининг кўтарилиши бўлиши мумкин.
