Oliy Majlis huzuridagi Axborot sohasini va ommaviy kommunikatsiyalarni rivojlantirish masalalari bo‘yicha jamoatchilik kengashi vazirliklarning axborot jihatdan ochiqligi bo‘yicha monitoring o‘tkazdi va reyting tuzdi.

Reytingni tuzish uchun 2023-yil yanvaridan dekabrigacha O‘zbekistonda faoliyat yuritib kelgan 21 ta respublika ijro etuvchi hokimiyat organlarining 50 ta eng ko‘p o‘qiladigan elektron milliy OAVdagi chiqishlari monitoring qilingan. Reyting ko‘rsatkichlari respublika ijro etuvchi hokimiyat organlari va ularning mansabdor shaxslari to‘g‘risida chop etilgan maqolalar va ko‘rishlar soni, shuningdek, tanqidiy munosabatlar asosida shakllantirishni nazarda tutadi.

Monitoring natijalariga ko‘ra, Raqamli texnologiyalar, Adliya, Ichki ishlar, Iqtisodiyot va moliya vazirliklari faoliyati axborot jihatdan ochiqlik talablariga mos kelgan holda yuqori o‘rinlarni egallagan, Transport, Tog‘-kon sanoati va geologiya hamda Madaniyat vazirliklari eng quyi ko‘rsatkichlarni qayd etgan.

Umumiy reyting quyidagicha ko‘rinish olgan:

"Gazeta.uz"da reklama

Respublika ijro etuvchi hokimiyat organlarining reytingdagi o‘rni va кўрсаткичлари:

  1. Raqamli texnologiyalar vazirligi — 0.9643
  2. Adliya vazirligi — 0.9617
  3. Ichki ishlar vazirligi — 0.8089
  4. Iqtisodiyot va moliya vazirligi — 0.7196
  5. Oliy ta’lim, fan va innovatsiyalar vazirligi — 0.5907
  6. Energetika vazirligi — 0.5892
  7. Sog‘liqni saqlash vazirligi — 0.5753
  8. Ekologiya, atrof-muhitni muhofaza qilish va iqlim o‘zgarishi vazirligi — 0.5722
  9. Tashqi ishlar vazirligi — 0.5651
  10. Favqulodda vaziyatlar vazirligi — 0.5603
  11. Maktabgacha va maktab ta’limi vazirligi — 0.4882
  12. Mudofaa vazirligi — 0.4343
  13. Qurilish vazirligi — 0.4166
  14. Investitsiyalar, sanoat va savdo vazirligi — 0.3968
  15. Kambag‘allikni qisqartirish va bandlik vazirligi — 0.3936
  16. Yoshlar siyosati va sport vazirligi — 0.3655
  17. Suv xo‘jaligi vazirligi — 0.3544
  18. Qishloq xo‘jaligi vazirligi — 0.3308
  19. Transport vazirligi — 0.2674
  20. Tog‘-kon sanoati va geologiya vazirligi — 0.2368
  21. Madaniyat vazirligi — 0.1575

Qayd etilishicha, vazirliklar to‘g‘risida 2023-yilda elektron OAVda e’lon qilingan maqolalar soni o‘tgan yilgiga nisbatan sezilarli o‘sgan. Shu bilan birga, tanqidiy munosabatlar nisbatida pasayish kuzatilmagan.