Олий Мажлис ҳузуридаги Ахборот соҳасини ва оммавий коммуникацияларни ривожлантириш масалалари бўйича жамоатчилик кенгаши вазирликларнинг ахборот жиҳатдан очиқлиги бўйича мониторинг ўтказди ва рейтинг тузди.
Рейтингни тузиш учун 2023 йил январидан декабригача Ўзбекистонда фаолият юритиб келган 21 та республика ижро этувчи ҳокимият органларининг 50 та энг кўп ўқиладиган электрон миллий ОАВдаги чиқишлари мониторинг қилинган. Рейтинг кўрсаткичлари республика ижро этувчи ҳокимият органлари ва уларнинг мансабдор шахслари тўғрисида чоп этилган мақолалар ва кўришлар сони, шунингдек, танқидий муносабатлар асосида шакллантиришни назарда тутади.
Мониторинг натижаларига кўра, Рақамли технологиялар, Адлия, Ички ишлар, Иқтисодиёт ва молия вазирликлари фаолияти ахборот жиҳатдан очиқлик талабларига мос келган ҳолда юқори ўринларни эгаллаган, Транспорт, Тоғ-кон саноати ва геология ҳамда Маданият вазирликлари энг қуйи кўрсаткичларни қайд этган.
Умумий рейтинг қуйидагича кўриниш олган:
Республика ижро этувчи ҳокимият органларининг рейтингдаги ўрни ва кўрсаткичлари:
- Рақамли технологиялар вазирлиги — 0.9643
- Адлия вазирлиги — 0.9617
- Ички ишлар вазирлиги — 0.8089
- Иқтисодиёт ва молия вазирлиги — 0.7196
- Олий таълим, фан ва инновациялар вазирлиги — 0.5907
- Энергетика вазирлиги — 0.5892
- Соғлиқни сақлаш вазирлиги — 0.5753
- Экология, атроф-муҳитни муҳофаза қилиш ва иқлим ўзгариши вазирлиги — 0.5722
- Ташқи ишлар вазирлиги — 0.5651
- Фавқулодда вазиятлар вазирлиги — 0.5603
- Мактабгача ва мактаб таълими вазирлиги — 0.4882
- Мудофаа вазирлиги — 0.4343
- Қурилиш вазирлиги — 0.4166
- Инвестициялар, саноат ва савдо вазирлиги — 0.3968
- Камбағалликни қисқартириш ва бандлик вазирлиги — 0.3936
- Ёшлар сиёсати ва спорт вазирлиги — 0.3655
- Сув хўжалиги вазирлиги — 0.3544
- Қишлоқ хўжалиги вазирлиги — 0.3308
- Транспорт вазирлиги — 0.2674
- Тоғ-кон саноати ва геология вазирлиги — 0.2368
- Маданият вазирлиги — 0.1575
Қайд этилишича, вазирликлар тўғрисида 2023 йилда электрон ОАВда эълон қилинган мақолалар сони ўтган йилгига нисбатан сезиларли ўсган. Шу билан бирга, танқидий муносабатлар нисбатида пасайиш кузатилмаган.