Andijon viloyatidagi tumanlar va shaharlar hokimlari, soliq boshqarmasi, sanitariya-epidemiologiya farovonligi markazi va boshqa tuzilmalar rahbarlari o‘zlarining ishidagi muvaffaqiyatlar va kamchiliklarni aks ettiruvchi nishonlarni ola boshladilar.
Auz.uz saytining xabar berishicha, ushbu yangilik Andijon viloyati hokimi Shuhrat Abdurahmonovning tashabbusi hisoblanadi. Agar rahbar ishda sustkashlikka yo‘l qo‘ysa, unga “mas'uliyatsiz rahbar” yozuvi bo‘lgan qizil nishon beriladi.
Agar topshiriqlar tegishli darajada bajarilgan bo‘lsa, unda rahbar “mas'uliyatli rahbar” yozuvi bo‘lgan ko‘k nishon bilan taqdirlanadi. Mas’ul shaxslar ommaviy axborot vositalari orqali xalqqa hisobot berishlari kerak, deb yozadi sayt.
Birinchi ko‘krak nishonini topshirish marosimi dushanba kuni bo‘lib o‘tgan “hokimiyat soati” yakuniga ko‘ra o‘tkazildi. Ulug‘nor va Oltinko‘l tumanlari hokimlari Doniyorbek Maxsudov va Nazirjon O‘rinboyev, shuningdek viloyat soliq boshqarmasi boshlig‘i Zufarbek Yuldashev va viloyat sanitariya-epidemiologiya osoyishtaligi markazi rahbari Dilmurod Nabiyevga “mas'uliyatsiz rahbar” nishonlari topshirildi.
Andijon hokimi Bahromjon Haydarov uch xil yo‘nalishdagi yutuqlari uchun uchta ko‘k rangli ko‘krak nishoni oldi. Marxmat va Xo‘jaobod tumanlari hokimlari Bobirjon Yo‘ldoshev va Otabek Rasulov bo‘nday ko‘krak nishonlarini ikkitadan qo‘lga kiritishdi. Markaziy bankning Andijon viloyatidagi Bosh boshqarmasi boshqaruvchisi Elyor Usmonovga ham “mas'uliyatli rahbar” nishoni topshirildi.
Auz.uz xabar berishicha, “agar rahbarlar ketma-ket uch hafta davomida qizil nishonlarni olsalar, ularning masalasi alohida ko‘rib chiqiladi”.
O‘zbekiston Prezidenti Shavkat Mirziyoyev Shuhrat Abdurahmonovning “fidoyiligi, sadoqati va qat’iyati” ni ta’kidlagan holda, uni “atrofidagi rahbarlarni ishlashga majburlash” ni bir necha bor topshirgan, deya ta’kidlaydi Auz.uz sayti.
Rahbarlarning ish natijalarini baholashda ishlatiladigan usul yoki metod ko‘rsatilmagan.
