Ikkinchi chorak yakunlariga ko‘ra, O‘zbekistonda ishsizlik darajasi 15 foizgacha ko‘tarildi deya baholanmoqda. Bu esa 2,3 million ishsiz demakdir. Bu haqda «Gazeta.uz»ga hukumatdagi manba xabar berdi.
2020 yilning birinchi choragida O‘zbekistonda ishsizlik 9,4 foizni tashkil etib, ya’ni bu 1,399 million kishiga teng deb baholangan edi.
Hozirda Bandlik va mehnat munosabatlari vazirligi XMT hamkorligida koronavirusning mehnat bozoriga ta’sirini o‘rganish maqsadida tadqiqotlar olib bormoqda.
«Hozirning o‘zida so‘rov natijalariga ko‘ra, inqiroz iqtisodiyotning bir qator muhim sohalari (xizmat ko‘rsatish, qurilish va hk) ishchilarining bandligiga juda katta salbiy ta’sir ko‘rsatdi, ayniqsa kichik biznes bilan band bo‘lgan yoshlar va ayollar himoyasiz edi», — deya javob berdi Mehnat vazirligi «Gazeta.uz» ning ishsizlik darajasi bo‘yicha bergan savoliga.
«Biz hozirda bir qator hududlarda uy xo‘jaliklarida bandlik va ishsizlik muammolari bo‘yicha navbatdagi so‘rovlarni o‘tkazmoqdamiz va yaqin kunlarda natijalar e’lon qilinadi», — podcherknuli v Mintruda.
Avvalroq Bandlik va mehnat munosabatlari vaziri Nozim Husanov koronavirus pandemiyasi paytida O‘zbekistonda ishsizlik darajasi qariyb 2 million kishiga yetganini ma’lum qilgan edi.
Eslatib o‘tamiz, XMT yilning ikkinchi choragida ish vaqti hajmi 14 foizga kamayib, 400 mln ish joyining yo‘qolishiga olib kelgani haqida xabar bergan edi.
