Шаҳар атрофидаги темир йўл алоқаси — йирик шаҳарлар транспорт тизимини ривожлантиришнинг истиқболли йўналиши ҳисобланади, лекин Тошкент электропоездлари йўловчилари кўрсатилаётган хизматлардан қониқиш ҳосил қилаётгани йўқ. «Газета.uz» фотомухбири Евгений Сорочин улардан бунинг сабабини сўраб кўрди.
Тошкентнинг марказий кўчалари халқаро конференцияга ташриф буюрган делегациялар сабабли вақти-вақти билан ёпилмоқда. Уларга туташ кўчаларда катта тирбандликлар юзага келмоқда. Ҳайдовчиларга навигаторларга қараб ҳаракатланиш, жамоат транспорти йўловчиларига эса манзилга бориш учун одатдагидан узоқроқ вақт кетишини инобатга олиш тавсия этилади.
Йўл қоидасини бузганлик учун жарималар қандай вазифани бажаради, нима учун жариманинг миқдори одамлар учун жуда қиммат бўлиши керак ва шаҳарларда пуллик автотураргоҳлар нима учун кераклиги ҳақида Самарқанд бош режасини ишлаб чиқаётган россиялик мутахассисларнинг «Газета.uz»га берган интервьюсида.
Республика махсус комиссияси йўналишли автобус ва метрога ниқобсиз бўлган шахсларни транспорт воситалари салонига чиқармаслик бўйича қарорни қабул қилди. Темир йўл вокзаллари ва аэропортларда эса карантин чораларига риоя қилиниши қатъий назоратга олинади.
5 йил олдин Тошкент трамвайининг 115 йиллик тарихи ўз ниҳоясига етди. Трамвай линияларининг ёпилишидан олдин пойтахт қандай кўринишда эди ва бугун уларнинг ўрнида нималар пайдо бўлган — «Газета.uz»нинг махсус фотожамланмасида.
Россиянинг SIMETRA транспорт компанияси Самарқанд транспорт тизимини барқарор ривожлантириш режасини ишлаб чиқади. Жамоат транспорти бўйича мутахассис Владимир Валдин «Газета.uz»га берган интервьюсида бош режа нималиги, барча постсовет шаҳарларининг умумий муаммолари, Самарқанд ва Тошкентдаги жамоат транспорти билан боғлиқ вазият ҳақида гапириб берди.
Январь ойидан бошлаб Тошкент шаҳридаги жамоат транспортларида транспорт карталари жорий қилинди. Транспорт карталарини қаердан сотиб олиш, қандай тўлдириш, улардан фойдаланиш ва транспорт картасини сотиб олмасдан транспорт учун пул тўлаш мумкинми — бу ва бошқа саволларга жавоб берамиз.
Ўтган 10 ойда Халқ қабулхоналарига жамоат транспорти бўйича 3 мингдан ортиқ мурожаат келиб тушган. Ҳисоб-китобларга кўра, мамлакат бўйича кунига қарийб 20 млн йўловчидан бор-йўғи 4,4 млни ёки 22 фоизи жамоат транспортидан фойдаланмоқда. 1,2 мингта қишлоқ туман марказигача бўлган йўналишда жамоат транспорти билан қамраб олинмаган. Президент мазкур муаммоларни тизимли ҳал этиш юзасидан йиғилиш ўтказди.
Тошкент транспорт бошқармаси бошлиғи Анвар Жўраев йирик автобус бекатлари ва метрога кираверишда катта ҳажмли ахлат қутилари ўрнатилишини маълум қилди. Шунингдек, у пойтахтдаги жамоат транспорти йўловчиларига бепул тарқатиладиган бир марталик қўлқопларнинг нархини ошкор қилди.
Қўшимча имкониятларга эга булиш учун сайтда рўйхатдан ўтинг