Ўзбекистонда ногиронлиги бўлган шахслар иқлим ўзгариши оқибатлари олдида ҳимоясизроқ — ЖБ тадқиқоти
Табиий офатлар пайтида ногиронлиги бўлган шахслар энг катта хавф остида қолишади, чунки фавқулодда ҳолат хабарлари ва эвакуация йўллари улар учун мослаштирилмаган бўлиши мумкин. Жаҳон банки Ўзбекистонда ногиронлиги бўлганлар эҳтиёжларини ҳисобга олиш бўйича ўз тавсиялари билан бўлишди.
Ҳафта ўртасигача ҳаво илиқ бўлади, пайшанба куни ёмғир ёғиши кутилмоқда
9−10 январь кунлари Ўзбекистонга Туркманистондан илиқ ҳаво кириб келади ва бу кунларда ёғингарчилик кутилмайди. Ҳарорат жанубда +20 даражагача кўтарилади. Пайшанба куни Каспий денгизи ҳудудларидан нам ҳаво кириб келиши ҳисобига ҳарорат пасайиб, ёмғир ёғади.
Тошкентда 20 ёшли қиз иссиқ сувдан куйиши оқибатида вафот этди
Тошкентда ваннахонадаги иссиқ сув баки ёрилиши оқибатида 20 ёшли қиз куйиш жароҳати олди. У шифохонада вафот этди.
Қорақалпоғистонда бир киши номаълум моддадан заҳарланиб вафот этди
Нукус шаҳрида 2 киши номаълум этиологияли моддадан заҳарланди. Улардан бири шифохонада вафот этди. Ҳолатни ҳоким ўринбосари бошчилигидаги комиссия текширмоқда.
Мусулмонлар идораси Умра хизматлари учун янги нарх белгилади
Ўзбекистон мусулмонлари идорасининг «Ҳаж ва Умра» марказида Умра хизматлари нархи 10 январдан бир киши учун 16,6 млн сўм этиб белгиланди.
Футбол: Ўзбекистон Фаластинни мағлуб этди
Ўзбекистонлик футболчилар 12 январь куни старт оладиган Осиё Кубогига тайёргарлик доирасидаги машғулотларда Фаластинни кичик ҳисобда мағлуб этди.
ЎФА 3 нафар ҳакам ва «Қўқон-1912» клуби спорт директорини футболдан умрбод четлатди
Ўзбекистон футбол ассоциацияси Этика қўмитаси келишилган ўйинларда иштирок этганликда айбдор деб топиб уч нафар ҳакам ва «Қўқон-1912» клуби спорт директори Шуҳрат Мўминовни футбол билан боғлиқ фаолиятнинг барча туридан умрбод четлатди.
Андижон ва Фарғонада электробус ишлаб чиқариш йўлга қўйилади
Хитой компаниялари Андижон вилоятида йилига 2 мингта, Фарғона вилоятида йилига мингта электробус ишлаб чиқаришни йўлга қўйиши режалаштирилмоқда. Улардан бутун Ўзбекистон бўйлаб жамоат транспортини яхшилаш мақсадида фойдаланилади.
Ўзбекистон ва Қозоғистон савдодаги тўсиқларни бартараф этиш бўйича ишчи гуруҳ тузади
Ўзбекистон ва Қозоғистон ўзаро савдодаги тўсиқларни бартараф этиш бўйича қўшма ишчи гуруҳ тузади. UzKazTrade қўшма ташқи савдо компанияси орқали онлайн савдо майдончасини яратиш режалаштирилмоқда.
Чиқинди йиғиш майдончаларида қайта ишланадиган чиқиндилар сотиб олина бошлайди
Ниҳоят Тошкент ва бир неча вилоятларда маиший чиқиндиларни алоҳида йиғиш бошланади. Аҳолига бепул чиқинди пакетлари берилади. Фуқароларга қайта ишланган чиқиндилар учун пул тўлаш режалаштирилмоқда.
Ўзбекистоннинг олтин-валюта захиралари 2023 йилда 1,2 млрд долларга камайди
Декабрда Ўзбекистон халқаро захиралари кўпайди, бироқ 2023 йил бўйича мамлакатнинг «молиявий ёстиқчаси» 1,2 млрд долларга камайиб, 34,56 млрд долларни ташкил этди. Йиллик ҳисобда захиралар камайиши 2018 йилдан бери илк марта кузатилди. Олтиннинг физик ҳажми йил давомида деярли 25 тоннага камайди.
Бухоро вилоятида совуқ сув нархи оширилади
Бухоро вилоятида 15 январдан совуқ сув ва оқова сув хизматлари нархи ошади.
Самолёт фюзеляжи ажралиб тушиши ортидан АҚШ, Европа ва Туркияда Boeing 737 MAX парвозлари тўхтатилди
АҚШ, Европа ва Туркияда Boeing 737 MAX 9 самолётидан фойдаланиш вақтинча тўхтатилди. Бунга Alaska Airlines`га тегишли шу русумдаги самолёт фюзеляжининг бир қисми парвоз вақтида ажралиб тушгани сабаб бўлди. Бортда 177 киши бор эди, улардан бир қанчаси жароҳатланган.
Ўзбекистонда 2024 йилда 5 миллион кишини иш билан таъминлаш режалаштирилмоқда
Ўзбекистонда йил бошида ишсизлар сони 1,3 млн кишини ташкил этган бўлса, бу йил яна 2,4 млн киши меҳнат бозорига киради. 2024 йилда 5 миллион аҳоли иш билан таъминланиши кутилмоқда. Президент, шунингдек, тадбиркорлик субъектлари учун ягона ҳисоботлар тизимини жорий этиш бўйича ҳам топшириқ берди.
