Халқаро футбол тарихи ва статистикаси федерацияси (IFFHS) «Энг яхши ёш футболчи» соврини учун номзодларни эълон қилди. Мукофот 2003 йилнинг 1 январидан кейин туғилган футболчига берилади.
120 мамлакат журналистлари ва футбол экспертларидан иборат IFFHS халқаро ҳакамлар ҳайъати январь ойи охирида мукофот натижаларини сарҳисоб қилади.
Тўлиқ рўйхат: Жуд Беллингҳем («Реал» Мадрид), Жамал Мусиала («Бавария»), Гави («Барселона»), Флориан Вирц («Байер»), Хави Симонс («РБ Лейпциг»), Ламин Ямал («Барселона»), Алехандро Бальде («Барселона»), Расмус Ҳойлунд («Манчестер Юнайтед»), Эван Фергюсон («Брайтон»), Уоррен-Заир Эмери (ПСЖ), Матиас Тел («Бавария»), Ромеу Лавиа («Челси»), Леви Коулэлл («Челси»), Бенжамин Шешко («Лейпциг»), Витор Роке («Барселона»), Алехандро Гарначо («Манчестер Юнайтед»), Эндрик («Реал»), Хулио Энсисо («Брайтон»), Савио («Жирона»), Рикардо Пепи («ПСВ»), Усмон Диоманде («Спортинг»), Карлос Балеба («Брайтон»), Эрнест Нума («Лион»), Карим Конате («Ред Булл»), Аббосбек Файзуллаев (ЦСКА).
Эслатиб ўтамиз, Аббосбек 2023 йилнинг ёзида ЦСКАга Тошкентнинг «Пахтакор» клубидан 500 минг евро эвазига ўтганди. Transfermarkt порталига кўра, унинг ҳозирги трансфер нархи 2 миллион еврони ташкил қилади.
