Физика бўйича 2023 йилги Нобель мукофоти Оҳайо университети (АҚШ) вакили Пьер Агостини, Макс Планк институти ва Мюнхендаги Людвиг-Максимилиан университети (Германия) ходими Ференц Крауз ва Лунд университетидан (Швеция) Анн Ле-Ҳуиллерга берилди. Бу ҳақда 3 октябрь куни Нобель қўмитаси ўз қарорини эълон қилди.
Мукофот олимларга атомлар ва молекулалар ичидаги электронлар динамикасини ўрганувчи экспериментал тажрибалари учун берилди. Пьер Агостини, Ференц Крауз ва Анн Ле-Ҳуиллер электронлар ҳаракатланадиган ёки энергияни ўзгартирадиган тезкор жараёнларни ўлчаш учун ишлатилиши мумкин бўлган жуда қисқа ёруғлик импульсларини яратиш усулини кўрсатди.
Физика бўйича 2022 йилги Нобель мукофоти олимлар Ален Аспе, Жон Клаузер ва Антон Цайлингерга мураккаб фотонлар билан ўтказган тажрибалари учун топширилган.
2021 йилгисини эса мураккаб физик тизимларни тушуниш ва Ер иқлимини моделлаштириш бўйича кашфиётлари учун учта олим — Шукуро Манабе, Клаус Хасселманн ва Жоржио Париси олган эди.
Маълумот учун, 2 октябрь куни тиббиёт бўйича Нобель мукофоти COVID-19 га қарши вакциналар яратиш имконини берувчи mRNA синтези технологияларини ишлаб чиққан Каталин Карико ва Дрю Вайсманга берилди. Ушбу йўналиш мукофот ҳафталигини очиб берди. 9 октярбрга қадар яна кимё, адабиёт, тинчлик ва иқтисодиёт бўйича совриндорлар номи маълум бўлади.
