Олий Мажлис Қонунчилик палатаси ва Сенатининг Ўзбекистон Республикаси сайланган президентининг лавозимига киришишига бағишланган қўшма мажлиси 14 июль куни бўлиб ўтади. Бу ҳақда Сенат ахборот хизмати хабар бермоқда.
Маросимда МСК раиси Зайниддин Низомходжаев Шавкат Мирзиёевга президентлик гувоҳномасини топшириши кутилмоқда.
Қасамёд қабул қилганидан сўнг унга президент расмий белгиси ва штандарти ҳам топширилади.
Эслатиб ўтамиз, Шавкат Мирзиёев сайловда 87,05 фоиз овоз билан ғалаба қозонганди. Робахон Махмудова 4,43 фоиз, Улуғбек Иноятов 4,02 фоиз, Абдушукур Ҳамзаев эса 3,74 фоиз овоз тўплаган.
