Ўзбекистон Олий Мажлиси Қонунчилик палатаси ва Сенати чоршанба куни кечқурун бўлиб ўтган қўшма мажлисда президент Шавкат Мирзиёевнинг Қорақалпоғистон ҳудудида фавқулодда ҳолат тартибини муддатидан олдин тугатиш тўғрисидаги фармонини маъқуллади. Шу куни парламент палаталарининг қўшма қарори кучга кирди.
20 июль куни тушдан кейин Қорақалпоғистон Жўқорғи Кенгеси депутатлари президентга мурожаат қилиб, унда фавқулодда ҳолат тартибини бекор қилишни сўрашган эди. Мурожаатнинг тўлиқ матни эълон қилинмади.
Шундан сўнг президент 21 июль соат 5:00 дан фавқулодда ҳолат тартибини тугатиш тўғрисидаги фармонни имзолади. Ҳужжатда «Қорақалпоғистон Республикаси ҳудудида жамоат тартиби тикланганлигини ва кўрилган чоралар натижасида фуқароларнинг хавфсизлиги, уларнинг ҳуқуқ ва эркинликлари ҳимояси таъминланганлиги» қайд этилди.
Фавқулодда ҳолат Нукусда 1−2 июл кунлари содир бўлган фожиали воқеаларда, расмий маълумотларга кўра, 21 киши ҳалок бўлгани ва 270 дан ортиқ киши жароҳатланганидан сўнг 3 июлдан бир ой муддатга фавқулодда ҳолат жорий этилган эди.
14 июль куни фавқулодда ҳолат юмшатилди, хусусан, республикада комендантлик соати 23 дан 5 соатгача (соат
