Бугун ҳаво ҳарорати кўтарила бошлади ва кун ўрталарига келиб 30−33 даражани ташкил этди, дея хабар берди Ўзгидромет. Эртага республика бўйлаб булутлилик ортиши, тоғли ва тоғолди ҳудудларида баъзи жойларда қисқа муддатли ёмғир ёғиб, момақалдироқ бўлиши мумкин. Ҳаво ҳарорати 30−35 даража бўлиши кутилмоқда.
Ҳафта ўртасида ҳаво ҳарорати 32−37 даражагача кўтарилади ва ҳафта охирида ҳарорат яна 30−35 даражагача тушади. Республиканинг айрим ҳудудларида шамол 15−20 м/с гача кучайиши кутилмоқда.
«Ўзбекистонда 25 июндан 5 августгача бўлган қирқ кунлик давр халқ анъаналарига кўра „чилла“ ёки „саратон“ деб аталади. Чилла даври Ўзбекистон иқлимининг ажралмас қисми бўлиб, республиканинг физик-географик жойлашуви билан белгиланади. Ўртача энг юқори ҳарорат аслида чилла даврига тўғри келади. Шуни таъкидлаш жоизки, Тошкент учун мутлақ максимал ҳарорат 44.6 даражани ташкил этади. Ушбу ҳарорат 1997 йил 18 июль, яъни чилла ўртасида қайд этилган», — дейилади хабарда.
Ёзда Ўрта Осиё ҳудуди, шу жумладан Ўзбекистон ҳудуди, паст босимли диффуз фронтал бўлмаган ҳудудлар таъсири остида бўлади. Иссиқ чўлларда тропик ҳаво массалари юқори ҳарорат ва паст намлик билан ҳосил бўлади, бу ёзнинг ўрталарида булутли, қуруқ ва иссиқ об-ҳаво бўлишини белгилаб беради.
Шундай тарзда, бу йил, чилла бошланишидан атиги икки кун ўтгач Волгабўйи вилоятларидан салқин ва нам ҳаво Ўзбекистон ҳудудига кириб келди. Марказий ва шарқий ҳудудларда ёмғир ёғиб, момақалдироқ бўлиб ўтди, баъзи жойларда шамол кучайди. Ўтган дам олиш кунлари ҳамма жойда ҳаво ҳарорати 35−40 дан 27−29 даражагача пасайди, баъзи жойларда ҳатто янада пастроқ ҳаво ҳарорати кузатилди.
Эслатиб ўтамиз, Тошкентда кунлик ҳарорат июннинг охири — июль бошларида 35−36 даражани ташкил қилади.
