«об-ҳаво» тегли мақолалар
Ҳафта давомида ҳаво иссиқ бўлади, жойларда ёмғир ёғиши кутилмоқда
Ҳафта давомида кўплаб ҳудудларда момақалдироқ билан қисқа муддатли ёмғир ёғади. Фақат 24 апрелда республиканинг катта қисмида ёғингарчилик кутилмайди. Ҳарорат кечалари +13…+18, кундузи +24…+29 даража бўлади. Тоғли ҳудудларда сел-сув тошқин ҳодисалари ва қор кўчиши юзага келиши мумкин.
Дам олиш кунлари Ўзбекистоннинг катта қисмида ёғингарчилик кузатилмайди
Шанба, якшанба кунлари Ўзбекистоннинг айрим ҳудудларидагина куннинг иккинчи ярмида ёмғир ёғади. Ҳарорат +22…+27, баъзи жойларда +29 даражагача бўлади. Пойтахтда эса якшанба куни куннинг иккинчи ярмида қисқа муддатли ёмғир ёғиши, момақалдироқ бўлиши мумкин.
Чоршанбадан ёғингарчилик тўхтаб, ҳарорат кўтарилади
Душанба ва сешанба кунлари Ўзбекистон бўйлаб ёмғир ёғади, баъзи жойларда кучли бўлади. Чоршанбадан бошлаб ҳаво ҳарорати аста-секин исийди ва иш ҳафтаси охирида +25…+31 даражага етади.
Ҳайит кунлари ҳарорат +30 даражагача кўтарилади
Ўзбекистонда сешанба куни баъзи ҳудудларда ёмғир ёғиб, ҳарорат +15…+20 даражагача пасаяди. 10−11 апрелда эса республика бўйича ёғингарчилик кутилмайди, ҳарорат +22…+27 даражагача, жанубда +30 даражагача кўтарилади. 12−14 апрель кунлари беқарор об-ҳаво бўлиши кутилмоқда.
Шанба куни ҳудудларда ёмғир ёғади
Шанба куни аксарият ҳудудларда ёмғир ёғади, шамол кучайиб, момақалдироқ ҳам бўлиши мумкин. Ҳаво ҳарорати +15…+18 даражага тушади. Якшанба куни эса қуруқ об-ҳаво бўлиши кутилмоқда. Ҳарорат яна +20…+23 даражагача кўтарилади, кечалари +7…+12 даража атрофида бўлади.
Март ойида ҳарорат рекордлари қайд этилмади — Ўзгидромет
Ўзбекистонда баҳорнинг биринчи ойида об-ҳаво кўп йиллик қийматларга яқин бўлди. Бир нечта совуқ тўлқинлар ҳам кузатилди. Ойлик ёғингарчилик миқдори меъёр даражасида, баъзан ундан ортиб кетди. Айнан март ойида баландлиги 4−25 смгача етган қор ёғди, айрим жойларга сел келиб, ҳудудларни сув босди.
Ҳафта ўртасида ёмғир ёғади, сўнг ҳаво +25 даражагача исийди
Ўзбекистоннинг аксарият ҳудудларида 2−3 апрель кунлари ёмғир ёғиши, момақалдироқ бўлиши мумкин. Сўнгра ҳарорат кечаси +5…+10, кундузи +18…+25 даражагача кўтарилади. Тоғли ҳудудларда қор кўчиши хавфи бор.
Апрелда қандай об-ҳаво бўлиши кутилмоқда?
Ўзбекистонда апрель ойи қуруқ ва ўртача илиқ ҳаво билан бошланади. Биринчи ўнкунликда ҳарорат кундузи +18…+23 даража илиқ бўлади. Иккинчи ва учинчи ўнкунликларда кундузги ҳарорат +13…+18 дан +25…+30 даражагача ўзгариб туради. Ойлик ёғингарчилик миқдори меъёрдан кам, баъзи жойларда меъёрий бўлади.
Дам олиш кунлари ҳарорат аста-секин кўтарилади
Ўзбекистонда дам олиш кунлари асосан ёғингарчиликсиз ўтиши кутилмоқда, фақат Фарғона водийси вилоятларида ёмғир ёғади. Ҳарорат аста-секин кўтарилиб, якшанба куни +17 даражагача исийди, кечалари 0…+5 илиққача бўлади.
Ҳафта ўртасидан ҳарорат пасая бошлайди ва ёмғир ёғади
Душанба, сешанба кунлари юқори ҳарорат сақланиб туради, сўнг Ўзбекистонга Ўрта денгиздан нам ҳавонинг бир қисми кириб кела бошлайди. Жойларда шамол тезлиги кучайиб, вақти-вақти билан ёмғир ёғади. Ҳарорат иш ҳафтасининг охирига келиб кундузи +13…+18 даража илиқни ташкил этади.
Ҳафта охири ёғингарчиликсиз ва илиқ ўтиши кутилмоқда
Наврўз байрамида ёғингарчилик кузатилиб, ҳарорат пасайса-да, 23−24 март кунлари Ўзбекистоннинг барча ҳудудида қуёшли об-ҳаво бўлади. Ҳарорат кундузи +17…+20, баъзи жойларда 22 даража илиққачани ташкил этади.
Дам олиш кунлари ҳарорат кўтарилади
Ўзбекистонда дам олиш кунлари ҳаво ҳарорати кўтарила бошлайди. Шанбадан якшанбага ўтар кечаси жойларда бироз совуқ сақланиб туради. Ҳарорат +8…+20 даража атрофида бўлади. Фақат якшанба куни Қорақалпоғистон ва Хоразмнинг айрим жойларида бироз ёмғир ёғиши мумкин.
Ҳафта давомида ҳарорат пасайиб, ёмғир ёғади
Ҳафта давомида беқарор об-ҳаво сақланиб туради, аксарият ҳудудларда ёмғир ёғади. Чоршанбадан республика ҳудудига совуқ ҳаво массалари кириб келади ва ҳарорат кечаси 0…+5, кундузи +3…+8 даражагача пасаяди. Жойларда шамол кучайиши, ёмғир қорга айланиши ҳам мумкин.
Дам олиш кунлари ҳаво ўзгариб туради
Ўзбекистонда 7−8 март кунлари ҳаво ҳарорати кўтарилишда давом этади. Дам олиш кунлари эса ҳаво ўзгариб туради, баъзи ҳудудларда ёмғир ва қор ёғиши мумкин.
Ўзбекистонда қишдаги ҳарорат меъёрдан 2,6 даражагача юқори бўлди — Ўзгидромет
Ўзбекистонда 2023−2024 йилларнинг қишидаги ҳаво ҳарорати 1,5−2,6 даража юқори бўлди. Февраль ўтган қишда энг қорли бўлди, декабрда эса энг паст ҳарорат кузатилди.
Ҳафта давомида ҳарорат кўтарилиб боради
Ўзбекистонда ҳафта давомида ҳарорат жадал равишда кўтарилиб боради, ёғингарчилик кузатилмайди. Кечалари −2…+5, кундуз кунлари +4…+18 даража атрофида бўлиши кутилмоқда. 8 мартда баъзи жойларда шамол кучайиб, ёмғир ёғиши мумкин.
Дам олиш кунлари ёмғир ва қор ёғади
Дам олиш кунлари аксарият вилоятларда булутли об-ҳаво бўлади, жойларда вақти-вақти билан ёмғир, қор ёғади. Ҳарорат кечаси −3…+2, кундузи 0…+5 даража атрофида бўлади. Аммо кейинги ҳафта бироз кечикиш билан бўлса ҳаво ҳарорати тез кўтарила бошлайди, дея таъкидламоқда синоптиклар.
Ҳафта давомида вақти-вақти билан қор ва ёмғир ёғади
Қишнинг сўнгги кунлари ва баҳорнинг биринчи куни Ўзбекистонда об-ҳавонинг беқарор шароити сақланиб туради. Ҳудудларда вақти-вақти билан ёмғир ва қор ёғади. Ҳарорат кечалари 0…-5, кундузи +2…+7 даража бўлади. Баъзи жойларга туман тушади. Пойтахтда эса 28 февраль ва 1 мартда ёғингарчилик кузатилади.
Мартда қандай об-ҳаво бўлиши кутилмоқда?
Ўзбекистонда бу йилги март нисбатан салқин бўлиши прогноз қилинмоқда. Ой давомида ҳарорат кечалари −5…+10, кундузи +5…+22, жанубда +25 даража атрофида бўлади. Республика ҳудудининг катта қисмида ёғингарчилик миқдори меъёр атрофида бўлиши кутилмоқда.
Чоршанбадан ёғингарчилик тўхташи кутилмоқда
Ўзбекистон бўйлаб 19−20 февраль кунлари вақти-вақти билан қор ёғади. Ҳарорат кечалари −8…−12, баъзи жойларда -16 даражагача совийди, кундузи −3…+2 даража бўлади. Чоршанбадан иш ҳафтасининг охиригача ёғингарчиликсиз об-ҳаво кузатилади. Баъзи жойларга туман тушади.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
Қўшимча имкониятларга эга булиш учун сайтда рўйхатдан ўтинг