Bugun havo harorati ko‘tarila boshladi va kun o‘rtalariga kelib 30−33 darajani tashkil etdi, deya xabar berdi O‘zgidromet. Ertaga respublika bo‘ylab bulutlilik ortishi, tog‘li va tog‘oldi hududlarida ba’zi joylarda qisqa muddatli yomg‘ir yog‘ib, momaqaldiroq bo‘lishi mumkin. Havo harorati 30−35 daraja bo‘lishi kutilmoqda.
Hafta o‘rtasida havo harorati 32−37 darajagacha ko‘tariladi va hafta oxirida harorat yana 30−35 darajagacha tushadi. Respublikaning ayrim hududlarida shamol 15−20 m/s gacha kuchayishi kutilmoqda.
«O‘zbekistonda 25 iyundan 5 avgustgacha bo‘lgan qirq kunlik davr xalq an’analariga ko‘ra „chilla“ yoki „saraton“ deb ataladi. Chilla davri O‘zbekiston iqlimining ajralmas qismi bo‘lib, respublikaning fizik-geografik joylashuvi bilan belgilanadi. O‘rtacha eng yuqori harorat aslida chilla davriga to‘g‘ri keladi. Shuni ta’kidlash joizki, Toshkent uchun mutlaq maksimal harorat 44.6 darajani tashkil etadi. Ushbu harorat 1997 yil 18 iyul, ya’ni chilla o‘rtasida qayd etilgan», — deyiladi xabarda.
Yozda O‘rta Osiyo hududi, shu jumladan O‘zbekiston hududi, past bosimli diffuz frontal bo‘lmagan hududlar ta’siri ostida bo‘ladi. Issiq cho‘llarda tropik havo massalari yuqori harorat va past namlik bilan hosil bo‘ladi, bu yozning o‘rtalarida bulutli, quruq va issiq ob-havo bo‘lishini belgilab beradi.
Shunday tarzda, bu yil, chilla boshlanishidan atigi ikki kun o‘tgach Volgabo‘yi viloyatlaridan salqin va nam havo O‘zbekiston hududiga kirib keldi. Markaziy va sharqiy hududlarda yomg‘ir yog‘ib, momaqaldiroq bo‘lib o‘tdi, ba’zi joylarda shamol kuchaydi. O‘tgan dam olish kunlari hamma joyda havo harorati 35−40 dan 27−29 darajagacha pasaydi, ba’zi joylarda hatto yanada pastroq havo harorati kuzatildi.
Eslatib o‘tamiz, Toshkentda kunlik harorat iyunning oxiri — iyul boshlarida 35−36 darajani tashkil qiladi.
