Uzauto Motors kompaniyasi agar avtomobillari narxini oshirmoqchi bo‘lsa, unda oldin 10,7 trln so‘mlik (taxminan $993,5 mln) yangi avtomobil sotib olganlik uchun yig‘im va utilizatsiya yig‘imini to‘langanligini isbotlashi kerak, degan fikrda deputat Rasul Kusherbayev va iqtisodchi Otabek Bakirov. Davlat organlari yig‘imlar to‘lovlari haqida to‘liq ma’lumotni oshkor qilmayapti yoki taqdim etmayapti. Shunga qaramasdan «Gazeta.uz» 8 oy mobaynida beshta ishlab chiqaruvchi 3,3 trln so‘mdan ko‘proq utilizatsiya yig‘imini to‘laganligini aniqlashtira oldi.
2020 yil 1 avgustdan boshlab O‘zbekistonda ishlab chiqariladigan va import qilinadigan avtotransport vositalariga utilizatsiya yig‘imi joriy etilgan. Biroq ushbu yig‘im bo‘yicha undirilgan to‘lovlar bo‘yicha so‘nggi 1,5 yil davomida ma’lumotlar berilmagan. Iqtisodchi Otabek Bakirovning yozishicha, Uzauto Motors ushbu yig‘im bo‘yicha 2020 yil avgust-dekabr oylari uchun qariyb 2,5 trln so‘m, 2021 yil uchun esa kamida 5,3 trln so‘m to‘lashi kerak.
Ayrim transport vositalariga 2022 yil oxiriga qadar utilizatsiya yig‘imining nol stavkasi qo‘llaniladi.
O‘zbekistonda import qilinayotgan tayyor elektromaishiy texnika mahsulotlariga utilizatsiya yig‘imi joriy etiladi.
Qo‘shimcha imkoniyatlarga ega bulish uchun saytda ro‘yxatdan o‘ting