«marhamat tumani» tegli maqolalar


13 may 2022, 17:24

Andijonda sobiq hokim yordamchisi osilgan holda topilgani aytilmoqda

Marhamat tumani hokimining «Polvontosh» mahallasi bo‘yicha sobiq yordamchisi, 38 yoshli fuqaro o‘z xonadonidagi molxonada osilgan holda topildi. Unga nisbatan tazyiq, haqorat va boshqa noqonuniy harakatlar sodir etilmagani aytilmoqda. Holat yuzasidan tergov harakatlari olib borilmoqda.

14 fevral 2022, 16:51

Andijondagi uzrbozlik ortidan tuman hokimi o‘rinbosari ishdan bo‘shatildi, hokim esa hayfsan oldi

Andijon viloyati Marhamat tumanidagi 72-maktabda o‘qituvchilar uzr so‘rashga majburlangani ortidan tuman hokimi o‘rinbosari Muxtor Qurbonov ishdan bo‘shatildi, hokim Bobur Yo‘ldoshevga esa hayfsan berildi. Qolaversa, maktab direktori Muqaddamxon Hasanova va tuman xalq ta’limi bo‘limi mudiri Aliyaxon Abduvohidova lavozimlaridan ozod qilindi.

12 fevral 2022, 20:16

Xalq ta’limi vaziri Andijonda uzr so‘rashga majburlangan o‘qituvchilar bilan uchrashdi

Xalq ta’limi vaziri Baxtiyor Saidov Andijonda uzr so‘rashga majburlangan o‘qituvchilar bilan uchrashdi. U mazkur holatni «ustoz sha’nini yerga urish» deb baholab, bunga yo‘l qo‘ygan mutasaddilarga chora ko‘rilishini ma’lum qildi. Avvalroq, XTV uzr so‘rash tadbiri tuman hokimligi tashabbusi ekanligini tasdiqlagandi.

11 fevral 2022, 13:02

Andijonda o‘qituvchilar uzr so‘rashga majburlangan holatni Bosh prokuratura ko‘rib chiqadi

Andijon viloyati Marhamat tumanida o‘qituvchilar ota-onalar oldida uzr so‘rashga majbur qilingan holat yuzasidan Xalq ta’limi vazirligi o‘rganish ishlarini yakunladi. Natijada tuman hokimligi tashabbusiga asosan tashkil etilgan mazkur tadbirga qonuniy baho berish uchun hujjatlar Bosh prokuraturaga yuborildi.

10 fevral 2022, 23:33

«Kerak bo‘lsa yig‘laysizlar». O‘qituvchilar uzr so‘ragan yig‘ilish tafsilotlari

Andijon viloyatining Marhamat tumanida ota-onalardan kechirim so‘rashga majbur qilingan o‘qituvchilar yig‘ilish tafsilotlarini so‘zlab berdi. Ularning aytishicha, ota-onalar bilan uchrashuv ssenariy asosida o‘tgan, bunda ular sahnaga chiqib, o‘z fanlarini yomon o‘rgatganliklari uchun uzr so‘rashlari kerak edi. «Kerak bo‘lsa yig‘lashimizni aytishdi», — deydi pedagoglardan biri.

9 fevral 2022, 11:48

O‘qituvchilar uzr so‘ragan yig‘ilish tuman hokimi tashabbusi bo‘lganligi aytildi

Andijon viloyati xalq ta’limi boshqarmasi maktab o‘qituvchilari ota-onalardan uzr so‘ragan yig‘ilish Marhamat tumani hokimining shaxsiy tashabbusi bo‘lganligini ma’lum qildi. Tuman hokimi Boburjon Yo‘ldoshev bu holatlar «o‘qituvchilarning ruhiyatiga ta’sir qilgan bo‘lsa», ulardan uzr so‘rashini aytdi.

9 fevral 2022, 07:57

Andijon viloyatida o‘qituvchilar ota-onalardan kechirim so‘rashga majbur qilindi

Andijon viloyatining Marhamat tumanidagi maktablardan birining direktori va o‘qituvchilari ta’lim sifati hamda bitiruvchilarning OTMlarga kirish darajasi pastligi uchun ota-onalardan kechirim so‘rashga majbur qilindi. Bu ish hokim yordamchisi va tuman XTB rahbarining tashabbusi ekani aytilmoqda. XTV holatni keskin qoraladi. Jamoatchilik faollari hodisa uchun viloyat hokimi Shuhrat Abdurahmonov javob berishi kerakligini aytishmoqda. Tuman va viloyat hokimligi ham munosabat bildirdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting