O‘zbekistonda yana 90 kishida koronavirus aniqlanib, jami holatlar 7177 taga yetdi, deya xabar qildi Sog‘liqni saqlash vazirligi.
Kun davomida esa 276 holatda kasallik aniqlanib, eng yuqori ko‘rsatkich qayd etildi. Shundan 243 nafari Karantin muassasalarida, 24 nafari aholi orasida (shundan 17 nafari Toshkent shahrida, 4 nafari Toshkent viloyatida, yana 2 nafari Jizzax viloyati hamda 1 nafari Andijon viloyatida), qolgan 9 nafari esa xalqaro yuk tashuvchi avtomashina haydovchilari orasida aniqlangan.
Avval xabar qilinganidek, bugun 192 nafar fuqaro sog‘aydi. Ular Toshkent shahri, Qashqadaryo va Namangan viloyatlaridagi tibbiyot muassasalarida shifo topishdi.
️Hozirda kasallik qayd etilgan jami 7177 nafar bemordan 4877 nafari sog‘ayib, davolanish ko‘rsatkichi 68 foizni tashkil etmoqda.
️Ayni paytda tibbiyot muassasalarida davolanayotgan 2280 nafar bemordan 18 nafari og‘ir, 6 nafari esa o‘ta og‘ir ahvolda.
️Sog‘liqni saqlash vazirligi tizimidagi virusologik laboratoriyalarda “COVID-19” infeksiyasiga bugunning o‘zida 21 148 ta, epid mavsum davomida esa 1 121 236 ta test sinovi bepul o‘tkazilgan.
Hududlar bo‘yicha ko‘rsatkichlar
