Oliy Majlis Qonunchilik palatasi deputatlari 5 mart kuni Ekologiya va atrof-muhitni muhofaza qilish davlat qo‘mitasi raisi lavozimiga Shavkatjon Shokirjonovich Abdurazzoqov nomzodini tasdiqladilar, deb xabar berdi Liberal-demokratik partiyasidan (O‘zLiDeP) deputat Rasul Kusherbayev.
Shavkatjon Abdurazakov (1976 yilda tug‘ilgan) Namangan muhandislik-texnologiya institutini (1998) hamda Davlat va jamiyat qurilishi akademiyasini (2006) tamomlagan. 2017 yil iyul oyidan buyon Namangan hokimi lavozimida faoliyat olib borayotgan edi. Ilgari Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash va iste’mol tovarlari masalalari bo‘yicha axborot-tahlil departamenti mudiri (2017) va Namangan tumani hokimi (2015−2017) lavozimlarida ishlagan.
Ushbu lavozimga kirish uchun Shavkatjon Abdurazakovni Ekologiya davlat qo‘mitasining raisi etib tayinlash to‘g‘risidagi farmonga O‘zbekiston prezidenti imzo qo‘yishi kerak.
2017 yil may oyidan beri qo‘mitani boshqargan Bahrom Qo‘chqorovning yangi ish joyi hozircha noma’lum.
