26-oktyabr kuni O‘zbekiston bosh vaziri o‘rinbosari Adxam Ikramov boshchiligidagi delegatsiya ikki tomonlama kelishuvlarni amalga oshirish maqsadida javob tariqasidagi tashrif bilan O‘sh shahrida (Qirg‘iziston) bo‘ladi, xabar qildi TIV matbuot xizmati.
Eslatib o‘tamiz, Adham Ikramov 1-oktyabr kuni Qirg‘iziston bosh vazirining birinchi o‘rinbosari Muxammetkali Abulgaziyev boshchiligidagi qo‘shni mamlakat vakillarini kutib olgan delegatsiyaga rahbarlik qilgan edi. Uchrashuvlar yakuniga ko‘ra, o‘zaro hamkorlik to‘g‘risidagi memorandum imzolandi.
O‘zbekiston delegatsiyasi tarkibidan Prezident Devoni, hukumat, Tashqi ishlar vazirligi vakillari, Andijon, Namangan va Farg‘ona viloyatlari hokimlari, davlat va ijtimoiy tuzilmalarning viloyatdagi bo‘limlari, mahalliy o‘z-o‘zini boshqarish organlari, ishbilarmon doira rahbarlari, fermerlar, ilm-fan va maorif, madaniyat va san’at arboblari o‘rin olgan.
Ular Qirg‘izistonning yuqori mansabdor shaxslari va qo‘shni Botken, Jalol-Obod va O‘sh viloyatlari vakillaridan iborat delegatsiya bilan uchrashuv va muzokaralar o‘tkazadi. Tashrif doirasida ikki tomonlama munosabatlar va chegara hududlarida hamkorlikni yanada rivojlantirishning amaliy masalalarini muhokama qilish rejalashtirilgan.
