Қатарнинг Доҳа шаҳрида футбол бўйича 23 ёшгача бўлганлар ўртасидаги Осиё кубогига қуръа ташланди. Қуръа натижасига кўра, Ўзбекистон Вьетнам, Кувайт ва Малайзия билан бирга «Д» гуруҳидан жой олди.
Ўзбекистонлик футболчилар мусобақадаги иштирокини Малайзияга қарши бошлайди. Иккинчи турда Кувайт, учинчи турда эса Вьетнам билан баҳслашади. Гуруҳда биринчи ва иккинчи ўринни эгаллаган жамоалар кейинги босқичга чиқади.
Қуйида қуръанинг якуний натижаси билан танишишингиз мумкин.
Маълумот учун, турнир 2024 йилнинг 15 апрелидан 3 майигача Қатарда ўтказилади. Мусобақада энг юқори 3 та ўринни олган терма жамоалар Париж олимпиадасига йўлланмани қўлга киритади.
