Президентнинг 2 сентябрдаги қарори билан Тоир Наматуллаевич Алиматов қурилиш ва уй-жой коммунал хўжалиги вазири ўринбосари этиб тайинланди. Бу ҳақда вазирлик ахборот хизмати хабар берди.
Бунгача Алиматов шу вазирликда бўлим бошлиғи лавозимида ишлаб келган.
Аввалроқ президент уни Ўзбекистон мустақиллигининг 32 йиллиги муносабати билан «Дўстлик» ордени билан тақдирлаганди.
Август ойи бошида қурилиш ва уй-жой коммунал хўжалиги вазири ўринбосари лавозимида ишлаб келган Жалол Арашов Бухоро вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари этиб тайинланганди.
Вазирнинг яна бир ўринбосари Давронжон Одилов «Янги Тошкент шаҳрини барпо этиш дирекцияси» директори этиб тайинланган.
