АҚШлик профессор Барбара Оуклининг «Рақамлар учун яралган идрок. Математика ва табиий фанларни қандай қойиллатса бўлади» китоби ўзбек тилида чоп этилди.
Мия фаолиятини ўрганиш бўйича эксперт Барбара Оуклининг математика ва табиий фанларни осон ўзлаштиришга ёрдам берувчи китоби ўзбек тилига таржима қилинди. Мазкур асар ўзбек китобхонларига аниқ ва табиий фанларни ўзлаштириш ва амалда қўллаш усуллари ҳақида ҳикоя қилади.
Китоб ўрганишнинг осон йўллари, масала ечиш, таҳлил ва ёдлашнинг ноодатий усулларини ўз ичига олгани сабаб ўқувчида фанга қизиқишни орттиради, шунингдек, мия иккита режимда ишлаши, чалғиб туриш фойдалари ҳамда тасаввур кучи ҳақида тўлиқ маълумот беради. «Рақамлар учун яралган идрок» китобини ўқиш орқали ушбу долзарб билимларни эгаллаш мумкин:
- хотира ва эслаб қолиш қобилиятини яхшилаш;
- креатив фикрлашни ва муаммоларни самаралироқ ечиш;
- ишни кейинга қолдириш одатини енгиш ва яхши ўқиш кўникмаларини ривожлантириш;
- мия қандай ўрганишини чуқурроқ тушуниш;
- актив ўрганиш кўникмасини ҳосил қилиш;
- хато қилиш қандай қилиб билимни оширишга ёрдам беришини тушуниш;
- давомий ҳаракатнинг ўзлаштиришдаги ўрнини билиб олиш;
- билимни амалда қўллашни синовдан ўтган усуллари билан танишиш.
Санаб ўтилган кўникмалар ва бошқа долзарб билимларни эгаллаш усулларини Барбара Оукли кўрсатиб беради. Китоб имтиҳонга тайёрланаётган абитуриент, фанларни яхшироқ ўзлаштирмоқчи бўлган талаба ёки лавозимда юқорилаши учун янги билимни ўрганиши керак бўлган ходим учун ўрганишнинг тадқиқотчиларга маълум бўлган оддий, самарали ва қулай усуллари билан таништиради.
Кучли қизиқиш билан ўқиладиган ушбу китоб мавзу борасидаги умумий тушунча билан бошланади ва машқлар билан олинган янги билимни мустаҳкамлашга ундайди. Профессор Барбара Оукли «Рақамлар учун яралган идрок» китобида математика ва табиий фан қўрқувларини қандай енгиш ва бу фанларда устунликка эришиш мумкинлигини кўрсатиб беради. Когнитив фандаги сўнгги тадқиқотларга асосланиб, муаллиф мия қандай ўрганишини ва бу билимларни инсон ўз фойдаси учун қандай ишлатиши мумкинлигини тушунтиради ва самаралироқ ўрганиш бўйича амалий маслаҳатлар беради.
Китоб «Халқ банки» билан ҳамкорликда чоп этилган бўлиб, банк кўмаги жамият учун яна бир фойдали китоб чиқишида муҳим роль ўйнади. Китоб ўрганиш борасида амалда иш берувчи маслаҳатлари билан ўзбек китобхонларига фойдали қўлланма бўлади деб айтиш мумкин. Китобни тайёрлашда таржимон, муҳаррирлар, корректорлардан иборат мутахассислар жамоаси ишлаган бўлиб, матн саккиз босқичли сифат назоратидан ўтган.
«Рақамлар учун яралган идрок» китоби ҳозирда asaxiy.uz интернет-дўкони орқали сотилмоқда ва Ўзбекистоннинг исталган ҳудудига етказиб бериш имкони мавжуд.
Китобга қуйидаги ҳавола орқали буюртма бериш мумкин.
Реклама ҳуқуқлари асосида.
