БМТнинг Инсон ҳуқуқлари бўйича Олий комиссари бошқармаси (ИҲОКБ) янги ҳисоботига кўра, 2022 йил февраль ойида Россиянинг Украинага кенг кўламли бостириб кириши бошланганидан буён 9083 нафар тинч аҳоли ҳалок бўлган ва 15 779 нафар тинч аҳоли жароҳат олган.
ИҲОКБ маълумотларига кўра, 18 июнь ҳолатига кўра, энг кўп тинч аҳоли қурбон бўлган ҳудудлар сифатида Донецк ва Луганск вилоятлари қайд этилган. Ушбу вилоятларнинг Украина томонидан назорат қилинадиган ҳудудларида 4105 киши ҳалок бўлган, 5861 киши яраланган. Бу ҳудудларнинг Россия томонидан вақтинча босиб олинган қисмларида 718 нафар тинч аҳоли ҳалок бўлган, яна 2521 нафари яраланган.
1 июндан 18 июнгача БМТ Украинада 557 нафар тинч аҳоли ҳалок бўлганини қайд этди. Улардан 112 киши, жумладан, олти нафар бола ҳалок бўлган, 445 нафари жароҳатланган.
«ИҲОКБнинг келтиришича, [тинч аҳоли ўлими ва жароҳатлари] ҳақиқий рақамлардан анча юқори, чунки баъзи шиддатли жанглар бўлаётган ҳудудлардан маълумотлар кечикмоқда ва кўплаб ҳисоботлар тасдиқланиши кутилмоқда», — дейилади ҳисоботда.
БМТнинг Қочқинлар ишлари бўйича агентлигининг сўнгги маълумотларига кўра, кенг кўламли уруш бошланганидан бери 14 миллиондан ортиқ украиналик ўз уйларини тарк этишга мажбур бўлган, улардан 8 миллиони қўшни давлатларга, жумладан Польша, Венгрия ва Молдовага кетган.
