«Давлат иштирокидаги аксарият корхоналар молиявий беқарорлиги сабабли у учун оғир юк бўлиб қолмоқда», — деди президент Шавкат Мирзиёев 29 декабрь куни парламентга мурожаатида.
Унинг сўзларига кўра, келгуси йилда Навоий кон-металлургия комбинати, «Ўзбекнефтгаз», «Ўзбекгидрогеология», «Ўзавтосаноат» халқаро молия бозорига кириб, маблағларни давлат кафолатисиз жалб қилиш имкониятига эга бўлади.
2021 йилда 32 та йирик корхоналарни стратегик аҳамиятга эга бўлган тармоқларда ўзгартириш амалга оширилади.
Шунингдек, банк операцияларида рақамли технологияларни кенг жорий этишга эътибор қаратилади. «Биз „Саноатқурилишбанк“, „Асака банк“, „Ипотека-банк“, „Алоқа банк“, „Турон банк“ ва „Қишлоқ қурилиш банк“ ни хусусийлаштиришга тайёрлаймиз», — деди президент.
Камида битта йирик банкдаги давлат улуши тўлиқ стратегик инвесторларга сотилади, деди Шавкат Мирзиёев. Шу муносабат билан Европанинг етакчи банклари билан музокаралар олиб борилмоқда.
Келгуси йилда «Фарғонаазот» ва Деҳқонобод калийли ўғитлар заводи, Coca-Cola Ichimligi, «Билдирсой» ва «Чорвоқ» санаториялари, «Ичан калъа» ва Hyatt Regency меҳмонхоналари, «Пойтахт» бизнес-мажмуасидаги, шунингдек алкоголь, ёғ ва мой саноатининг 83 йирик корхоналари ва бошқа тармоқлардаги давлат улушлари савдога қўйилади.
Умуман олганда, яқин икки йил ичида давлат иштирокидаги корхоналар сони камида 3 баравар камаяди.
