Ўзбекистонда Олий Мажлис Сенати томонидан қонунларнинг маъқулланиши ва рад этилиши жараёнлари такомиллаштирилади. Бу ҳақда пайшанба куни Сенат раиси Танзила Норбоева журналислар билан учрашувда маълум қилди.
«Газета.uz» мухбири парламент юқори палатаси маъқуллагандан кейин қонунга ўзгартиш китирилганига оид иккита ҳолатни санаб ўтди. Улар — репродуктив саломатлик тўғрисидаги қонун (Сенат маъқуллаган ва президент имзолаган талқинлари) ҳамда юридик шахслар ҳайдовчилари малакасини ошириш тўғрисидаги қонун (Сенат — якуний талқин).
Сенат регламентининг 26-моддасига мувофиқ, Сенат томонидан маъқулланган қонун имзоланиши ва эълон қилиниши учун Ўзбекистон президентига юборилади. Сенатнинг қонунни рад этиш тўғрисидаги қарорида рад этиш важлари кўрсатилиши керак. Унда бир вақтнинг ўзида қонунга ўзгартишлар ва қўшимчалар киритиш зарурлиги тўғрисидаги, шунингдек келишув комиссияси тузиш ҳақидаги таклифлар баён этилиши мумкин. Сенатнинг қонунни маъқуллаш ёки рад этиш тўғрисидаги қарори мазкур қарор қабул қилинган кундан эътиборан ўн кун ичида Қонунчилик палатасига юборилади.
Танзила Норбоеванинг фикрича, Сенат тасдиқлаганидан сўнг матнга жиддий ўзгартишлар киритилиши — нотўғри.
«Биз жойимизда турмаслигимиз керак. Мутлақо нотўғри, жиддий ўзгартиш киритилса, бу такроран овозга қўйилиши керак. техник хатолар, нуқталар, вергул, бу — тушунрали. Бирок агар жиддий ўзгаришлар бўлса, албатта нотўғри», — деди у.
Сенат раҳбари ҳозирда қонунларни маъқуллаш ва рад этиш жараёнларини такомиллаштириш бўйича ишлар олиб борилмоқда.
«Сенатнинг 20-ялпи мажлисига қадар биз навбатдаги сенаторлик ва депутатлари чақириқлари хатоларсиз ўтиши уучн таклифларни тайёрлаймиз. [Қонун лойиҳаси] ё рад этилади ёки қабул қилинади. Агарда ўзгартиш киритиш керак бўлса, бу қонуний йўл билан Сенатга тақдим этилиши лозим. Биз ҳозирда бунинг устида ишламоқдамиз», — деди Танзила Норбоева.
