Ольга Забелинская Италияда бўлиб ўтган Six Days of Rose International халқаро велопойгада олтин медални қўлга киритди. Велопойга 6−11 июнь кунлари Фьоренцуола-д'Ардада бўлиб ўтди, дея хабар қилди Ўзбекистон Велоспорт федерацияси матбуот хизмати «Газета.uz"га.
Ольга Забелинская 50 кишилик пойга гуруҳида украиналик спортчи Ольга Бирюкова (кумуш) ҳамда тўрт карра олимпия чемпиони ва саккиз карра жаҳон чемпиони буюк британиялик Лаура Кеннидан (бронза) ўзиб кетди.
Мусобақадаги ғалаба ўзбекистонлик спортчига Токиода бўлиб ўтадиган Олимпия ўйинлари-2020 ҳисобига 200 балл тақдим этади.
