Reach Impex Adliya vazirligiga “McDonald's” tovar belgisini O‘zbekistonda ro‘yxatdan o‘tkazish uchun ariza bilan murojaat qildi, deya xabar qilmoqda Spot.
Ariza beruvchi Reach Impex kompaniyasi bo‘lib, u 11-mart kuni 202401749 va 202401748 raqamlari ostida ikkita ariza topshirgan. Hozir ular “rasmiy ekspertiza jarayonida”.
“Gazeta.uz”ning so‘roviga kompaniya vakili tarmoqning O‘zbekistonda filialini ochish rejalari haqida izoh berishdan bosh tortdi. “Men hozircha hech narsa deya olmayman”, — dedi Reach Impex vakili.
2022-yil 19-aprelda 211,1 million so‘m ustav fondi bilan ro‘yxatdan o‘tgan va ulgurji noixtisoslashgan savdo bilan shug‘ullanuvchi kompaniya ta’sischilari Bahodir Burxonovich Usmonov (60 foiz) va Abror Axralovich Abdujabborov (40 foiz) bo‘lib, ular kompaniya rahbari ham hisoblanadi.
Bahodir Usmonovning familiyasi va ismi kelib chiqishi o‘zbekistonlik rossiyalik milliarderning ukasi Alisher Usmonovning familiyasi va ismiga to‘g‘ri keladi.
Reach Impex ham avvalroq Rossiyaning “Kroshka-Kartoshka” tez ovqatlanish tarmog‘ining O‘zbekistonda savdo belgisini ro‘yxatdan o‘tkazgan edi.
