Shu yilning birinchi yarmida O‘zbekistonda sodir bo‘lgan yo‘l transport hodisalarida jarohat olish va o‘lim holatlari sur’atlari, shuningdek ularning umumiy soni kamaydi, deb xabar berdi IIV JXP YHXX.
Yanvar-iyun oyining o‘zida rasman 3559 ta YTH ro‘yxatga olindi (2021 yilning mos davrida — 3753 ta qayd etilgandi, bu 194 taga yoki 5,2 foizga kam degani). Avariyalarda 2775 kishi jarohat oldi (2842, -67, -2,4%), 784 kishi esa vafot etdi (911, -127, -13,9%).
YTHlar soni Farg‘ona viloyati (621 ta, +3%) va Namangan viloyatidan (400 ta, +7%) tashqari barcha hududda kamaydi. Mazkur ko‘rsatkichlar Toshkent shahrida — 479 ta (-10%), Toshkent viloyati — 413 (-6%), Samarqand — 372 (-1%), Andijon — 299 (-10%), Qoraqalpog‘iston — 193 (-4%), Qashaqadaryo — 161 (-26%), Buxoro — 139 (-4%), Surxondaryo — 131 (-8%), Navoiy — 106 (-17%), Xorazm — 89 (-3%), Jizzax — 86 (-21%) va Sirdaryo — 70 tani (-1%) tashkil etdi.
22,9 foiz yoki 818 ta YTHga belgilangan tezlikka rioya qilmaslik sabab bo‘lgan. 254 ta holatda (7,1%) — haydovchining tajribasizligi, 182 tasida (5,1%) — oraliq masofani saqlamaslik, 133 tasida (3,7%) — piyodaga yo‘l bermaslik, 105 tasida (2,9%) — svetofor yoki yo‘l belgisiga rioya qilmaslik, 101 tasida (2,8%) — quvib o‘tish qoidalarini buzish, 35 tasida (1%) — mast holda transport vositasini boshqarish, 313 ta holatda esa (8,7%) — boshqa sabablar oqibatida avariyalar sodir bo‘lgan.
YTHlarning 1618 tasi (45,5%) esa obyektiv sabablariga ko‘ra kelib chiqqan. Bu piyodalar o‘tish joyi tashkil qilinmaganligi — 11% (393), veloyo‘laklar yo‘qligi — 8,3% (298), yo‘lni ajratuvchi to‘siqlar o‘rnatilmaganligi — 8,1% (289), yo‘llar yoritilmaganligi — 5,2% (186), yo‘l ho‘l yoki muzlama bo‘lganligi — 1,9% (68). Xizmat shuningdek, shu turdagi sabablarga piyodalar harakatini cheklovchi to‘siqlar (panjara) o‘rnatilmaganligi — 4,6% (167), tor yo‘llarning o‘tkazuvchanligi transport oqimiga moslashtirilmaganligi — 4,3% (155), yerosti va yerusti piyodalar o‘tish joyi tashkil etilmaganligini — 1,7% (62) ham kiritgan.
Barcha YTHlarning qariyb yarmi — 46,8 foizi yoki 1648 tasi avtomobillarda piyodalarni urib ketish bilan bog‘liq. Avtomobillar to‘qnashuvi esa 31,8% (1132), velosipedchilarni urib yuborish — 8,4% (298), mashinalarning ag‘darilishi — 5,3% (190), to‘siqqa urilish — 4,4% (156) va to‘xtab turgan transportga borib urilish — 1,2 foizni (41) tashkil qildi.
Avariyalarning katta qismi yengil avtomobillari ishtirokida sodir bo‘lgan — 84% (2990 ta). 10,4 foiz avariyalarda (373 ta) yuk mashinalari, 10,3 foizida (372) — velosipedchilar va 1,3 foizida (47) — avtobuslar qatnashgan.
Eslatib o‘tamiz, 2020 yilda pandemiya davrida baxtsiz hodisalar hamda ularda halok bo‘lgan va jarohatlar soni bo‘yicha statistik ma’lumotlar kamayganidan so‘ng, 2021 yilda bu ko‘rsatkichlar keskin oshgandi: YTHlar soni — 43 foizga, o‘limlar — 24 foizga, jarohat olishlar — 40 foizga. Baxtsiz hodisalarning asosiy sabablari tezlikni oshirish va harakatni noto‘g‘ri tashkil etish bilan bog‘liq bo‘lgandi.
