O‘zbekiston prezidenti Shavkat Mirziyoyev professional bokschi Murodjon Ahmadaliyevga Toshkentdan uch xonali uy va Tracker avtomashinasini sovg‘a qildi, deb xabar bermoqda O‘zbekiston Boks federatsiyasi matbuot xizmati.
Sportchi Mayamida amerikalik Daniyel Romanga qarshi o‘tkazilgan jangdan so‘ng 3 fevral kuni qaytib keldi. Bellashuv yakunlariga ko‘ra Murodjon Ahmadaliyev hakamlarning alohida qarori bilan g‘alaba qozondi va ikkinchi yengil vazn toifasida (55,225 kg gacha) WBA va IBF bo‘yicha ikkita chempionlik kamarini qo‘lga kiritdi.
Bundan tashqari, chustalik sportchi professional ringda ikkita chempionlik kamarini qo‘lga kiritgan birinchi o‘zbekistonlik bo‘ldi. Ikkita unvon tufayli u 42 yoshli amerikalik bokschi Leon Spinks rekordini ham takrorladi, u 8-jangda afsonaviy Muhammad Alini yengib, mutlaq chempionlik unvonini qo‘lga kiritgan edi.
Olimpiya shon-shuhrati muzeyida bokschini taqdirlash marosimi bo‘lib o‘tdi. Kvartira va avtomobil kalitlarini unga bosh vazir Abdulla Aripov topshirdi.
Avvalroq, prezident qarori bilan bokschi Murodjon Ahmadaliyevga «O‘zbekiston iftixori» faxriy unvoni berilgan edi.
