Toshkent Favqulodda vaziyatlar boshqarmasi qutqaruvchilari juma kuni ko‘chada uxlayotgan ikki nafar muayyan yashash joyiga ega bo‘lmagan fuqaroga ko‘mak ko‘rsatishdi, deya xabar qildi O‘zbekiston FVV matbuot xizmati.
Vazirlik rahbariga fuqarolar sayt orqali murojaat qilib, ko‘chada havo harorati pastligi sababli yordamga muhtoj bo‘lgan odam yotgani haqida xabar berdi.
Vazir topshirig‘i bilan qutqaruvchilar guruhi Mirobod tumanidagi Katta Mirobod 2-tor ko‘chaga yetib kelib, ko‘chada uxlab yotgan 1952 yilda tug‘ilgan A.Yu.ni aniqladi. Kerakli yordam ko‘rsatilganidan so‘ng u yaqin oradagi tibbiyot muassasasiga yetkazilgan.
Bundan tashqari, Shayxontohur tumani Bunyodkor ko‘chasi «Bunyodkor» metrosi yaqinida uxlayotgan aniq yashash joyiga ega bo‘lmagan, 1946 yilda tug‘ilgan fuqaro A.S. ga ham birinchi yordam ko‘rsatilib, tegishli choralar ko‘rish uchun Shayxontohur tumani 61-sonli shahar Ichki ishlar bo‘limi xodimiga topshirildi.
FVV fuqarolar va mamlakat fuqarolariga sovuq kunlarda issiqroq kiyinib, shaxsiy xavfsizlikka rioya etishni so‘rab murojaat qildi.
