Мудофаага кўмаклашувчи «Ватанпарвар» ташкилоти 210 та ҳудудий бўлинмаси билан биргаликда Мудофаа вазирлиги тизимига ўтказилади. Президент Шавкат Мирзиёев йиғилишда ёшларнинг ватанпарварлик туйғуларини тарбиялаш ва уларга касб-ҳунар ўргатиш вазифаларини бажармаётганлигини таъкидлади.
Шавкат Мирзиёев хорижда таълим олган ёшларни катта лавозимларга тайинлаганда уларда шошиб қолиш ҳолатлари кузатилаётганини таъқидлади. Давлат раҳбари бундай ёшларга миллий тарих ва қадриятларнинг ўрни ҳақида айтиб ўтди.
Пойтахтда «Тошкент ёшларни севади!» шиори остида бир ой давом этадиган ёшлар фестивали ўтказилади. Фестиваль доирасида маҳорат дарслари, бадиий кўргазмалар, таълим ва спорт тадбирлари, концертлар, муваффақиятли тадбиркорлар билан учрашувлар, экскурциялар, викториналар, флешмоблар ва бошқа тадбирлар ўтказилади.
Нодавлат таълим ташкилотлари махсус сертификатини олган ёшлар ва хотин-қизларга ўз бизнесини ташкил этиш учун 33 миллион сўмгача микрокредитлар таъминотсиз ажратилади.
Давлат раҳбарининг фармони билан 28 нафар иқтидорли йигитлар «Мард ўғлон» давлат мукофоти билан тақдирланди.
Шавкат Мирзиёев инсон ҳуқуқлари бўйича Самарқанд форуми иштирокчиларига табрик йўллади. Ўзбекистон президенти ўз табригида пандемия ва бошқа муаммолар шароитида ёшлар овозига қулоқ тутиш, уларнинг ҳуқуқларини таъминлашга қаратилган дастурларни ишлаб чиқишда ёшлар иштирокини таъминлаш зарурлигини таъкидлади.
Мўйноқда ишсиз ёшлар бандлигини таъминлаш мақсадида қишлоқ хўжалигига ихтисослашган «Мўйноқ келажаги бунёдкорлари» МЧЖ ташкил этилиб, қисқа вақтда минг нафарга яқин ёшлар иш билан таъминланди.
Ўзбекистонда ёшлар сиёсати соҳасидаги қонун ҳужжатларига риоя этилиши устидан давлат назоратини амалга оширувчи янги орган — Ёшлар ишлари агентлиги ташкил этилди.
Қўшимча имкониятларга эга булиш учун сайтда рўйхатдан ўтинг