Ўзбекистоннинг собиқ қишлоқ хўжалиги вазири Азиз Воитов иқтисодий жиноятларни содир этганликда гумон қилинмоқда. Бу ҳақда «Газета.uz» манбаси хабар берди.
Унга нисбатан эҳтиёт чораси қўлланилиб, ҳибсга олинган.
Бошқа бир манбага кўра, октябрь ойи охирида у ишдан бўшатилганидан сўнг Ҳисоб палатаси Қишлоқ хўжалиги вазирлигида текширув ўтказган.
Воитов 2022 йил августидан 2023 йил октябрига қадар қишлоқ хўжалиги вазири лавозимида ишлаган (унинг ўрнини Иброҳим Абдураҳмонов эгаллади). Бунгача, 2020 йилнинг март ойидан бошлаб у ўша пайтда бош вазир ўринбосари, Инвестиция, саноат ва савдо вазирлиги раҳбари бўлган Сардор Умурзаков даврида вазирнинг биринчи ўринбосари лавозимида ишлаган.
Умурзаков Президент администрацияси раҳбари лавозимидан бўшатилиши ортидан у билан бирга ишлаган кўплаб раҳбарлар ўз лавозимларини тарк эта бошлади. Улар орасида Суннатилла Бекенов, Фурқат Раҳимов, Олимхон Рустамов, Ойбек Ҳамраев ва бошқалар бор.
