Тошкент шаҳар суди апелляция инстанцияси Урганчдаги Меҳрибонлик уйи тарбияланувчилари билан жинсий алоқада бўлган икки нафар собиқ мансабдор шахс билан боғлиқ жиноят ишини қўшимча тергов ўтказиш учун прокурорга қайтарди. Бу ҳақда Ўзбекистон Олий суди матбуот хизмати хабар берди.
Олий суд 6 апрель куни Хоразм вилояти прокуратурасининг вилоят адлия бошқармаси собиқ бошлиғи Ойбек Машарипов ҳамда Янгиариқ тумани фавқулодда вазиятлар бўлими собиқ рахбарри Анвар Курязовга нисбатан чиқарилган ҳукм устидан берган кассация тартибидаги протестини қаноатлантирди. Жиноят ишлари бўйича Хоразм вилоят судининг 27 декабрдаги апелляция инстанциясининг собиқ мансабдор шахсларга нисбатан чиқарилган қарори бекор қилинди.
Иш Жиноят ишлари бўйича Тошкент шаҳар судининг апелляция инстанцияси томонидан ёпиқ эшиклар ортида қайтадан кўриб чиқилади.
Йиғилишда прокурор суддан прокурор судга илтимоснома билан мурожаат қилиб, судланувчиларга янги айблов бўйича жиноят иши қўзғатиш ва бошқа шахсларни жиноий жавобгарликка тортиш масаласини ҳал қилиш учун жиноят иши ҳужжатларини айблов хулосасини тасдиқлаган прокурорга юбориш тўғрисида ажрим чиқаришни сўради.
Апелляция инстанция судлов ҳайъати прокурор илтимосномасини қаноатлантириб, судланувчилар Ойбек Машарипов ва Анвар Курязовга оид жиноят иши бўйича ажрим қабул қилиб, Хоразм вилоят прокурорининг ўринбосарига юборилди ва жиноят ишини кўриш 1 ойлик муддатга тўхтатилди.
Эслатиб ўтамиз, Жиноят ишлари бўйича Хива туман суди Дилмурод Отамуратов раислигида 2022 йил сентябрь ойи бошида Меҳрибонлик уйи раҳбари Юлдуз Худайбергенова, шунингдек, Ойбек Машарипов ва Анвар Курязовга нисбатан ҳукм чиқарган. Юлдуз Худайберганова 1 йил муддатга раҳбарлик ва моддий жавобгар лавозимларни эгаллаш ҳуқуқидан маҳрум қилинган ҳолда 5,5 йил муддатга озодликдан маҳрум этилган. Икки собиқ амалдор эса 1,5 йилга озодликдан маҳрум қилинган.
Жиноятлар деярли етти ой ўтиб, зўравонликка қарши Nemolchi.uz лойиҳаси томонидан эълон қилинганидан сўнг маълум бўлди.
Кейинчалик, жиноят иши материалларига таяниб, лойиҳа асосчиси Ирина Матвиенко судга гувоҳ сифатида келган камида яна уч киши ишда иштирок этиши мумкинлигини айтди.
Жамоатчилик норозилигидан сўнг Бош прокуратура икки собиқ амалдорнинг жазоси енгил бўлганини тан олди.
