7 Май куни Чирчиқда Ўзбекистон Мудофаа вазирлигининг Мутахассислар ва хизмат итларини тайёрлаш марказида «Дог биатлон» мусобақасининг финал босқичи бўлиб ўтди. 4 май куни бошланган беллашувда Мудофаа, Ички ишлар ва Фавқулодда вазиятлар вазирликлари, ДХХ Чегара қўшинлари, Миллий гвардия ва Давлат божхона қўмитасининг отрядлари ўз хизмат итлари билан қатнашди.
Кучуклар биатлонининг финалида жамоалар ўзаро 1600 м масофада бир қатор шартларни бажариш орқали куч синашишди. Баллар шартларни тез ва аниқ бажарганлик учун берилди.
Умумжамоа ҳисобида 3-ўрин Миллий гвардия Қўриқлаш хизимати, ИИВ Қоровул қўшинлари, ДХХ «Бургут-1» жамоаларига насиб қилган бўлса, 2-ўринни ИИВ терма жамоаси эгаллади. Қуролли Кучлар таркибига кирувчи вазирлик ва идоралар ўртасида ўтказилган «Дог биатлон» мусобақасида Мудофаа вазирлигининг эркаклар ва аёллар жамоалари мутлақ ғолибликни қўлга киритиб, ўтган йилги натижасини такрорлади.
Мусобақада «Дог биатлони якка тартибда югуриш», «300 метрли тўсиқлардан хизмат итлари билан ўтиш», «Ғалабага бўлган кучли иродаси учун», «Дог биатлони 3200 метр масофага якка тартибда югуриш», «Дог биатлон эстафетаси» каби қатор номинациялар бўйича ҳам ғолиблар аниқланди. Барча номинацияларнинг фахрли ўринларини Мудофаа вазирлиги вакиллари қўлга киритди.
Фото
