Президентлик сайловларидаги ЎзЛиДеП номзоди, амалдаги давлат раҳбари Шавкат Мирзиёев мамлакат аҳолисини бўлғуси сайловларда фаол иштирок этишга чорлади. Бу ҳақда «Газета.uz» мухбири хабар берди.
«Ватанимизнинг бугунги ва эртанги тақдири, фарзандларимизнинг келажаги сизларнинг ушбу сайловдаги онгли иштирокингизга, фуқаролик позициянгизга боғлиқ», — деди у.
«Бутун халқимизни кимни сайлашдан қатъи назар, ўз позициясини кўрсатишга, сайловда иштирок этишга чақираман», — деди давлат раҳбари.
Унинг ишонч билдиришича, бу сайлов, фуқароларнинг фаол иштироки билан Янги Ўзбекистон, Учинчи Ренессанс сари ташланган, яна бир улкан амалий қадам бўлади.
«Ҳеч қачон унутманг, сайлаш ва танлаш ҳуқуқи — Сизнинг қўлингизда. Келажак учун масъулият эса барчамизнинг зиммамизда. Ана шундай буюк ҳиссиёт, ишонч-эътиқод билан ҳаракат қилсак, биздан халқимиз ҳам, келажак авлодлар ҳам, албатта рози бўлади. Янги Ўзбекистонимиз ҳар томонлама тараққий топган, гуллаб-яшнаган гў́зал мамлакатга айланади», — деди Шавкат Мирзиёев.
